Prowerb 24:28 - Nobonob Baibel

²⁸ Mudippan laippu layap nug keeke eheɗ laa ii heum dayeb, hettoɗiakppa, “Nug eheɗ heum,” aib ame; na aibnab hambuppume.

Prowerb 24:28 Referans Kwoze

Epesus 4:25

Ag kobol hambuppuak uueg! Ag nai genabib laa amelagppa mattieg! Aɗinu? Ig am beɗu laippunu laih kuɗum daattem.

Prowerb 25:18

Na mudippan laippu, na nuhignu hambuppuak nai hettoɗiakppa madittem dayeb amu; buppuak amuam daɗib laa, o qep elab laa, o lat doɗo hawaɗ ele laa guittak mettalo, amubia guittak medatte.

Revelesen 22:15

Amge baɗ mak danab, gappai danab, qe mauhak danab, kayak hambuppuak binag mak danab ele, amu laa oh ag hambuppuak kobol oolag mettan hetteb ele, ag Kayaknu aab okkai dimittim qai bia daaglag.

Revelesen 21:8

Amge laa ag baɗanna, akka ahilagnu dabmena hak kobol dim lamidna, laa ag oolagppa genab doyak iitta, laa ag kobol nau uɗig wak hetteb ele, laa ag danab aqaeg mauhtteb, laa ag gappai kobol hetteb, laa ag baɗ mak danab, laa ag dup noa kayak hambuppuak binag mak danab, amu nai hambuppuak danab oh ele, amu oh aab ameg kalu laa huana eotte onig salpa eotteppa, ag amuppa aben aoglag. Amuam mauhak ebqak 2 aakku,” awa aum.

Kolosi 3:9

Amu ag lailkad aib buppualadppig. Aɗinu? Ag oolag alagnu kobol oh am uuna,

Jon 15:25

Am ahilag ɗoppa yaak niitte amu elele medatte. Nai amu inam. ‘Ag dahilnu diig iittappa nau ninig ele dooppig.’

Matyu 27:23

Ag anam eppig, amge Pailat nug oɗ mattom. “Aɗinu? Nug aɗi eheɗ heum?” awa aum. Nug anam aum, amge ag huanak ena appig. “Ad emaitakppa atule!” appig.

Prowerb 21:28

Danab nug hettoɗiakppa nai hambuppuak maditte, nug mauhkku; amge danab nug nai diig genabnab maditte, nug nai tuɗitta mattieb ukkeb, gogppa tekku.

Prowerb 19:9

Danab nug hettoɗiakppa laa aɗi heehe anttomnu mattiak danab daatte, nug nai hambuppuak akku dayeb am, nug bu aokku. Ao, danab nug hettoɗiakppa nai genab ii akku dayeb amu, nug mauhkku.

Prowerb 19:5

Hettoɗiakppa laa aɗi heehe anttomnu mattiak danab daatte, nug hambubukku dayeb amu, nug bu aokku. Ao, danab nug hettoɗiakppa nai genab iitta madikku dayeb amu, nug guittak iitta ele gokkunu elele iitta.

Prowerb 14:5

Laa nai genabib maditte amu, hettoɗiakppa ele, nug laa aɗi heehe anttomnu mattiak danab dayaya, nug nai genab maditte, nug ham-ii-bubutte; amge laa nai hambuppuak maditte amu, hettoɗiakppa ele, nug laa aɗi heehe anttomnu mattiak danab dayaya, nug nai hambuppuak huanak maditte.

Sam 52:1

O ban danab naɗi, ⌊Doeg,⌋ aɗinu na nakka na eheɗ hemenu binan mettem? Kayaknu oo mauhaknab kobol ⌊dahilnu dim lamidtte am⌋ hanhan daatte.

Sam 35:11

Amu aɗi heehe anttomnu mattiak danab laa, ag naippa guittak meɗaglagnu hetteb amu, ag hettoɗiakppa dahilnu, “Nug eheɗ heum,” anana, amuppa ag ahilag naippa da iutteb. Ao, ag keeke laalanu, da anam laa ii hemi, da amunu nakok laa ii doottem ele amu, ag keeke amunu da naippa yaaiɗna, da hemi atteb.

Sam 35:7

Da ahilagppa eheɗ laa ii hemi, amge ag pelem laa dahil meppig. Yo, da ahilagppa eheɗ laa ii hemi, amge ag moɗ laa, da amuppa nokkulnu buuppig amunu,

Job 2:3

Satan nug anam a, Yawe Nug Satan oɗeppa awa aum. “Na dahil maɗi nid Jobnu attem dabmettem? Wan ohppa danab laa nug bia laa iitta. Nug dahil neekkakppa danab ooppa kaliak laa iitta ele. Nug genab tutukku hak danab. Nug dahilnu ebehi oh bodoetta le me, nug eheɗ laa haknu am uua autanab aotte. Na diig iittappa da eheɗ nuhigppa heppi nauhkkunu ae, da uuitti, na aakku nuhigppa eheɗ heme, amge nug gemu ele nug danab dabmak oiyak nuhig ele am tutukkuib daatte. Dayom bia daatte,” awa aum.

Eksodas 23:1

Aria, laa amu, laa ag hambuppuak nai laa mattiglag dayeb, ag nai genab iitta amu aib tuɗidppeg okkai meum! Amu danab nug nau heeb, laa ag nug hettoɗiakppa meppeg dayebeb amu, aria ag nug ehanidna, nai hambuppuak, ‘Nug eheɗ laa ii heum,’ aib appig!

Eksodas 20:16

Na hettoɗiakppa, aben laa oh eleppa, na layapnu nai hambuppuak aib mattime.

Lewitikas 6:2

“Laa nug Yawe ippunittomnu oo metta ii uuak kobol ii dim lamitta, hipunin imu laa qekkutai: Nug laa dilag keeke, nug atognotte ele, nug amunu hambuppuak laa hekkutai, o nug aɗi laa hekkunu ana nai qakkom, nug amunu hambubukkutai, o nug keeke laa yab aokkutai, o nug laanu keeke nai mattiak nauppa, o ib eheɗ laappa aokkutai.

Lewitikas 6:3

O nug laanu keeke laa qettoɗom anttowa, nug hambubukkutai, o nug gaɗappaib, keeke laanu Yawe noobppa amunu nai ɠagattag qetta akkutai, o nug hipunin laa qekkutai.

Lewitikas 19:11

Ag aib yab heppig. Ag aib nai hambubuppig. Ag aib lailkad dilagppa ameg qakkak kobol heppig.