Prowerb 24:23 - Nobonob Baibel

²³ Nai imu ele am danab ag doyak dabmak ena ele, ahilag nai laa. Hettoɗiakppa, laanu diig iittappa ena doya, laanu diig iittappa eheɗ doyak kobol dim lamittaknu amuam ena iitta.

Prowerb 24:23 Referans Kwoze

Prowerb 28:21

Laanu diig iittappa ena doya, laanu diig iittappa eheɗ doyak kobol am ena iitta; amge epeɗiak danab laala ag lokkumakppa eheɗ haknu ehanittak huppu nakoknab aona, ag kobol eheɗ aakku hetteb.

Prowerb 18:5

Hettoɗiakppa, epeɗiak danab nug nau hak danab dilag ena doya diig iittappa ehanadkku, amuam kobol nau; ele amu, hettoɗiakppa epeɗiak danab nug danab eheɗ laa ii heum, nug nuhig nai bappaidkkunu nug nai doya mala hettoɗia epeɗia elele mettak kobol ii dim lamidkku dayeb amu, amu ele am kobol nau.

Sam 107:43

Amu danab doyak dabmak ena ele ag keeke amu oh Yawe hettenu dabmetteb. Ao, ag Yawenu oo mauhaknab kobolnu ele dabmettaglag!

Lewitikas 19:15

Na nai doya mala hettoɗia epeɗia elele mettak kobol dim lamitte! Aib apiɗidme! Na laa nug daɗekte, o iitta nug enub elete amu, na amu aib dabmeme. Iitta. Na Kayak noobppa kaliak laa iitta eleppa na laipad dilag nai doya mala hettoɗia epeɗia elele mettak kobol dim lamidkkutoitte.

1 Pita 1:17

Ag Kayak, Nug danab oh melemel laippuppa ahilag hak anen anenppa epeɗiadtte amu, ag Nug unuqidnana, Nug onig diin Mame atteb amunu, ag haen imuppa aab diig danab iitta daanna wan imuppa oitteb amu, ag nuhignu ag ebehilag oh bodoetta le meeb, ag Nug onig binag metteg!

Jems 3:17

Amge Kayaknu doyak dabmak ena ele amu, doyak dabmak ena ele amuam Kristen danab ag inam oiglagnu ippunigtte. Anuqak amu, ag oppiak ele daan oiglag. Amu dim lamittak ag maɗoɗ ikki daan, ag lailkad dilagnu oo bodoettak doon, dagom danab daan, lailkad dilagnu oolag gai-iitta doon oolag mattan ehanadna autnanab aona, ag ena hak kobol ambak hena, ag danab oh dilagppa kobol laippuib dim lamidna, ag aɗi hetteb amu, ag kobol genabppaib hekkulagnu daatteb.

Jon 7:24

Ag amelagppaib keeke aib epeɗippig. Dabmak tutukku aona, kobol tutukkuppa, dahil uɗat imu epeɗin antteg!” awa aum.

Hosea 14:9

Laa ag danab doyak dabmak ena ele, ag keeke imu ohnu diignu doyak tutukku aweg! Ao, laa ag oo maittak awaknu ehah aoppig daatteb ele, ag keeke imunu diignu doyak tutukku aweg! Aɗinu? Yawenu ib amu genab tutukku ele, amu genab tutukku hak danab ah ag amuppa daanna oitteb; amge nai tappe nak danab ah ag amuppa taataɗ qetteb.

2 Stori 19:7

Amunu ag amu dabmena, ag ebehilag oh Yawenu bodoetta le maɗ! Yawe, ihinig Kayak, Nug nai doya mala hettoɗia epeɗia elele mettak kobol dim lamidtte; Nug kaliak nakok laa ii hette. Nug men doɗo awa, laa eheɗ heumnu, ‘Nug ii heum,’ iinab atte amunu, ag epeɗiak maɗi ahilag pehettak, eleleib heig!” awa aum.

Duteronomi 16:19

Epeɗiak danab ag heppeg, nai doya mala hettoɗia epeɗia elele mettak kobol am kaliak aib dayom. Ag hettoɗiakppa laanu hamu ena hettana, laanu hamu, eheɗ aib heppig. Ag lokkumakppa eheɗ haknu ehanittak aib aoppig. Aɗinu? Kobol anam, amuam he, danab doyak dabmak ena ele dilag dabmak he kaboliattette, genab tutukku hak danab dilag nai ele he kaliak daatte.

Duteronomi 1:17

Ag keeke laanu nai doon malan, hettoɗin, epeɗiak henana, ag danab nug onig okkai ele, diig amunu ag nuhignu ena aib heppig. Iitta! Ag nai doya mala hettoɗia epeɗia elele mettak eleleppa danab ah onilag iitta, amu danab onilag okkai ele, amu oh dilagppa heig! Ag oh inamib dabmatteg! Kayak Nug aun eheɗ heum, aun eheɗ ii heum amu dootte, amu haen ag nai doon malan, hettoɗin, epeɗin elele metteb amu, Kayak Nug ehanatteb, ag uɗat amu hekkulag amunu, ag laa ag ahilagnu attem hattaglagnu aib baɗappig. Uug atten laa babaittaknu elele iitta amu ag aon doppeg, da ehanatte bappaidkkul.” Da anam ami.

Prowerb 22:17

Na daut human, danab doyak dabmak ena ele dilag nai doye! Ao, da aɗi ippunidttem imu amu, na dabmettan autna awe!

Job 13:8

Kayak Nug danab iitta, amge nug danab daalo, hettoɗiakppa ag laanu diig iittappa ena doya, laanu diig iittappa eheɗ doyak kobolppa Nug ehanidkkulagte? Ge, ag Kayak ehanidnana, hettoɗiak abenppa ahilag naippa Nug ehanidkkulagte?