Prowerb 24:20 - Nobonob Baibel

²⁰ Aɗinu? Eheɗ hak danab ag butti aɗi ena bekkulagnu dabmak aɗan oiglagnu ib laa iitta. Ao, nau hak danab ag danab nug lam he qauhtte, ag anambia qauhak daaglag.

Prowerb 24:20 Referans Kwoze

Prowerb 13:9

Genab tutukku hak danab ag am lam elelenab amahaltte bia daatteb; amge nau hak danab ag lam qauhom bia nauhtteb.

Prowerb 20:20

Danab nug anig, o mameg ele nug eheɗ laa awaknu anak waappa daakkunu akku dayeb amu; nuhig bau dayak am laa lam gatatuppa qauhom bia iitta mekku.

Sam 11:6

Am kalu laa huana eotte onig salpa ewawa, ad ewatte nauhtteb, amu ulah gakkaɗak iwala, ad bau he qaɗaiedatteb, amubia Yawe Nug geha nau hak danab bu madakku.

Job 21:17

Anam, amge Kayak Nug haen kuɗum he, nau hak danab ag paha mauhttebte? Iitta. Haen kuɗum Kayak Nug he, uug naunab nau, uug amuam Kayak Nug oo nauhe, danab bu madatte amu, bu amuam nau hak danab dilagppa haen kuɗum bettete? Iitta.

Jut 1:13

Ag am yu duban qa uɗia koɗkoɗ qa ukka, hipaɗ aha hakkab daatte bia daatteb. Yuppan hipaɗ ahak miag atiak daatte, amubia ahilag uɗa nak kobol miag atiak daatte. Ag hoɗoppai habppa daanna, mauhnoak oitteb bia amunu, Kayak Nug aben gatatu teppu naunab babaittom daatte, geha ag amuppa hanhan daaglag.

Matyu 25:8

Bappaidna amu, ah makkun dabmak iitta ele ag ah makkun doyak dabmak ena ele amelagppa appig. ‘Ag lamnu le ahilag amu, ig laa mekkeg! Aɗinu? Ig ihinig amahlaknu le iitta meeme, lam qauhkkulagnu hetteb,’ aon appig.

Matyu 8:12

amge Israel danab ah ⌊kuɗum⌋, ag geɗattak daan, gatatuppa gokkulag. Appa danab ag gaanna, aelkad emalna daaglag,” awa aum.

Aisaia 3:11

⌊Amge imu ele dabmenan oiyeg!⌋ Nau hak danab ah dilagnu amu, gadonnab gadon. Aɗinu? Ag hak nau ahilag laa dilagppa heppig, nob amu, ag amuib eɗun aoglag amunu, ag nauhkkulagnu hetteb.

Prowerb 23:18

Aɗinu? Na anam hekkut dayeb amu, genabnab genab na butti aɗi ena daakkutnu dabmak aɗan oikkutnu elele; amu laa heeb, butti aɗi ena daakkutnu dabmak aɗa oiyak amu iitta iinab mema.

Sam 9:17

Am nau hak danab ag Kayak ele ii daamna. Iitta! Ag mamak abenppa daaglag. Ao, wan imuppan wan ohppan danab ah ag Kayaknu daulag atitte ele amu, ag ahilagppa anam bekku.

Job 15:31

Nau hak danab nug keeke diig iitta elenu ooppa genab dootte, amge nug amubia aib heum. Aɗinu? Nug amu hekku dayeb amu, nug meu laa ii anidma.

Prowerb 17:20

Danab nug eheɗ haknu nug tiigppa daatte, nug ena ii anidma. Ge, danab nug nai hambuppuak maditte, nug uug anidkku.

Prowerb 21:4

Dada ha laa eɗittaknu dabmak awak, dada hak kobol ele; nau hak danab ag amu henana, ag aakku hipunin hetteb.

Sam 37:2

Aɗinu? Gikkiɗah nug paha qaɗaiedatte, amubia nau hak danab ele ag paha iitta mekkulag. Yo, bala haɗag ag haen tutuib daatteb, amubia nau hak danab ag haen tutuib bau daaglag.