Prowerb 24:19 - Nobonob Baibel

¹⁹ Eheɗ hak danab ag ena daaglagtai; amge ag anam daatteb dayeb, na “Attemnab ag anam daatteb?” na dabmak amu tuqa ii awa oiyak aib heme! Ge, nau hak danab, ag ena daaglagtai; amge ag anam daatteb dayeb, na amu dilagnu aib amen qeeb oot elele ii dayom.

Prowerb 24:19 Referans Kwoze

Prowerb 24:1

Na nau hak danab dilagnu aib amen qe, oot elele ii dayom. Ao, na ag ele daaglagnu aib heme.

Prowerb 23:17

Na hipunin danab dilagnu aib amen qe, oot elele ii dayom; iitta, na hanhan Yawenu ebehin oh bodoetta le mekkunu yag-nab-bak doye!

Prowerb 13:20

Aun nug danab doyak dabmak ena ele oitte, nug doyak dabmak ena ele awa oitte; amge aun nug danab ag Kayak dab-ii-menan ii dim lamitteb ele oitteb, nug nau anidkku.

Sam 119:115

Da dahil Kayaknu ɗo dim lamidkkulnu amu, laa ag nau hetteb ele, ag dahilnu awaidna ukkeg!

Sam 37:1

Nau hak danab ag ena daaglagtai, amge na amunu, “Attemnab anam daatte,” na dabmak amunu tuqa ii awak aib aome. Ao, laa ag eheɗ hetteb ele, na amu dilagnu aib amen qeeb oot elele ii dayom.

Sam 73:3

Aɗinu? Da beɗuppa tak danab ah dilagnu amu, da ahilagnu amel qe ool elele ii dayom. Yo, da nau hak danab ah, enulag okkai ele anatten, da ahilag keekenu amel qe ool elele ii dayom.

Sam 1:1

Danab aun laa nug danab laala ag nau hak danab daan oitteb ele, nug amu dilag ulum nai ii dim lamittatta, danab nug hipunin danab dilag hak ii haaha, danab nug awa awa qettak danab ele gadmak ii daatte amu, danab amu nug itittak ena awom daatte.

Epesus 5:11

Gatatu uɗat, meu iitta ele, dimittim danab ag hetteb ele amu, ag anam aib heppig. Iitta. Ag gatatu uɗat am nau, ag amu miag atippeg, danab ah oh antteg!

Namba 16:26

Nug Israel danab ah amelagppa aum. “Ag danab nau imu dilag peh lag awaidna, laih piɗe dayeg! Ahilag keeke laippu laa aibnab lauɗidppig. Ag hipunin heppig, ag amunu mauhkkulag. Ag uuadna ii gokkulag, o iitta ag ahilkad keeke laa lauɗidkkulag dayeb amu, ag ele mauhkkulag,” awa aum.

Revelesen 18:4

Amu da baula baag laa hab aabppanu doomi, amu nug inam aum. “Dahilad danab ah ag nug ooppanu uɗin, dimittim ippa doig! Iitta dayeb, ag nug ouqeppeg, ag nug ele nuhig hipuninppa daaglag, nuhig hipunin nob nau amu, ag nug ele aoglag.

2 Korint 6:17

Nug anam aum, amu Nug baula ele aum. “Anam amunu, ag ahan hipunin danab uuadna, ag gona, aben laih piɗe daaglag. Ag keeke Kayaknu neekkakppa dubuttid ele aib aɗappig. Am ag anam heppeg, geha da dakka ag diiatten,

Prowerb 24:18

Na gaman aheb amu, Yawe Nug antta, nug ena ii dooma; Nug ena ii doya eɗua heeb, kekeɗ bu mettak ii aweb, ⌊na aokkut⌋.