Prowerb 24:17 - Nobonob Baibel

¹⁷ Haen nahip kekeɗ nug na qeeb, na oot gamag aib ahom. Ao, haen nug taataɗ qetteb, na nakka nahip oiyak atognonana, oot aib gamag ahom.

Prowerb 24:17 Referans Kwoze

Obadaia 1:12

Ag uug ag lailkad Juda dilagppa beum haenppa, ag amelag guhigppa ii neekkadlob am ena, amge ag anam neekkadppig. Ao, kekeɗ ag heeg, ag lailkad Juda danab ah nauhppig, ag Edom, ag gamag ahak ii doolob am ena, amge ag gamalag ahom. Uug amu Israel dilagppa be, ag Edom ag akka akka ag onilag ii humalob am ena, amge ag anam heppig.

Job 31:29

Da kekeɗ dabmein, nug eheɗ laa awaknu anak waappa daakkunu ii ainne, hipunin amu laa ii hemi. Anam amge, da kekeɗ dahil nug na qe antten, da gamag ahak doolomlob, o iitta, da kekeɗ dahil uug nau qeum antten, diig amunu da gamal eheɗnab ahalolob amu, ⌊da Kayak eppegppa eheɗ aolom am elele, am tutukku⌋.

Prowerb 17:5

Danab nug daɗek awa awa aqadtte amu, nug laa Nug danab amu hattom ele, nug nuhignu, “Keeke hamunab,” dootte; am aun nug uug naunab nau, danab laa nuhigppa bettenu gamag ahatte, nug genabnab genab bu mettak ii eɗidma.

Sam 42:10

Dahil kekeɗ ag awa awa iwak nai dahilnu atteb am, nai amuam guittak naunab, mauhaknu bia guiɗe doottem. Ag da ihaklel iuna, deɗ oh amun tuqan ele atteb, “Kayak nahip am adekku? ⌊Nug aɗinu na ii ehanidtte?⌋” aon atteb.

Sam 35:19

O Yawe, dahilad kekeɗ dilagppa da eheɗ laa ii hemi, amge ag da eɗilkkulagnu hetteb. Anam amun na uuadppe, ag anam hemananu unuqidttem. Ao, danab ag dahilnu diig iittappa nau ninig ele dootteb, ag heppeg, da nein qekkulnu hetteb. Anam amu, na uuadppe, ag heppeg da nein qepanu oɗ medattem.

Sam 35:15

Amge gemu da uugppa daai, ag gamalag ahatte. Ag gamalag huananab ahe, ag da iuglagnu hetteb. Danab ah ag da banel uɗin hetteb. Ag hanhan da onil nauhkkunu nai nau maditteb.

Ikki Danab 16:25

Am danab ah appa daappig amu, ag oolag huananab gamag ahe, appig. “Ag Samson omalna uɗippeg, ig nug neekkidppupput, nug heebeb, ig gamag ahak okkai dootu!” aon appig. Ag anam enan appig amunu, ag Samson maniguittakppan aon waeg, nug heehe anidna, ag heeg, nug ahilag kayak hambuppuak laug gamagppa, lagnu biidod okkai menppa hak aɗit lag koɗokko maopiɗ ele amu, nug amu gamalahppa appa hibaitta dayom.

2 Samuel 3:32

Ag Apner Hebron appa boumppig amu, King Dawit nug Apner boumak abenppa nug huana gayom. Nug gayeye, danab ah laa oh ele gaappig.

Prowerb 24:18

Na gaman aheb amu, Yawe Nug antta, nug ena ii dooma; Nug ena ii doya eɗua heeb, kekeɗ bu mettak ii aweb, ⌊na aokkut⌋.

Maika 7:8

⌊Israel danab ah ag dimppa inam akkulag.⌋ “O ihinkad kekeɗ, ag ig neta qemutnu aib oolag gamag aheb, aon aon iqappig. Aɗinu? Ig neta qemut, amge ig eɗut ahagnig. Ao, ig gemu gatatu ooppa uug ele daattem, amge Yawe Nug amahlak mekkeb, ig amahlakppa eɗut daagnig,” aon akkulag.