Prowerb 24:16 - Nobonob Baibel

¹⁶ Aɗinu? Genab tutukku hak danab nug haen eblaih aɗit ele na qekkutai, amge nug eɗua ahakku; genab tutukku hak danab nug anam hette, amge nau hak danab ag uug naunab he, nauhtteb.

Prowerb 24:16 Referans Kwoze

Sam 34:19

Uug kuɗum am genab tutukku hak danab dilagppa uɗitteb, amge Yawe Nug uug amu ohppan ehanatte, ag padal ii metteb.

Sam 37:24

Nug taataɗ qedakkutai me, nug anam heeb, Yawe Nug eppeg aɗatte amunu, nug na qa, auta autanab ii aoma.

Job 5:19

Kayak Nug baubau ehanitteb, na qagaiettakppa ii daamna. Ge, haen kuɗum uug nahip-ppa bekkunu daakku, amge nahip-ppa ii bema.

1 Tesalonaika 5:3

Danab ah ag, “Haen ena aakku beum, ig maɗoɗ ena daagnig,” abeppeg, haen amuppanab keeke eheɗ, ag heeb nauhkkulagnu, ahilagppa bekku. Keeke eheɗ amuam ah nug nid aokkunu guittak paha bette, amubia beeb dooglag. Danab ah ag keeke eheɗ amu ii qe-eɗidmana.

Prowerb 14:32

Haen uug naunab laa uɗitte amu, nau hak danab ag padal metteb; amge genab tutukku hak danab ag ahilag mauhak haenppa, Kayak Nug padal mak eɗitteb ena dayaknu aben bia ahilag daatte.

Prowerb 13:17

Nai awa ukkak danab nau nug uug he bette; amge nai awa ukkak danab, laa ag nuhignu genab elele dooglagnu elele, nug he, maɗoɗ bette.

Amos 5:2

“Israel wan am ah makkun laa na qa malom, eɗua ii ahama, am amubia daatte. Ao, Israel ag ahilag wanppa na qak anam niitteb; laa ehanatteb ahaglagnu iitta.” ⌊Nai oo doyak ele am anam.⌋

Sam 52:5

Amge Kayak Nug heeb, na nauhna, iitta mekkut. Ao, Nug na ɠagattagnab aɗaitta, Nug na baenppan oolagppan awitta, buɗitteb, laih gokkut. Ge, Nug heeb na mauhkkut. Sila.

1 Samuel 26:10

Dawit nug anam awowa, nug baula tuɗitta aum. ⌊“I nug ii qepuɗ mauhma.⌋ Amu Yawe Nug genab bau daatte, genab amubia Yawe Nug geha nob nau Saul medakku. Ao, geha Saulnu haen maleb, nug mauhkku, o iitta geha nug ban heebeb, laa nug geha qeeb mauhkku,

Sam 7:16

Ag uug heeg, laa dilagppa bette amu, uug amu eɗua, ahilagppa bette. Ao, ag laa guittak nau mauhnoak madatteb amu, guittak amu eɗue, ag guittak anam aotteb.

Esta 7:10

King nug anam aum amunu, ag Haman aon, balal attan danab aihaknu nug Mordekai aihkkunu heum, amuppa aihppig. King nug anam ha, nug baula oppoɗi bak ii doye, ameg kokoɗ eppak ele ii dayom.

Aposel 12:23

Ag anam aeg, Herot nug nai amu doya, Kayak binag ii meum amunu, Naɗinu engel laippun oɗe metta he, gawat beɗu qena laeg, aakku mauhom.

Amos 8:14

Danab ah ag kayak hambuppuak Samaria daatteb onilag diin, ahilag nai ɠagattag qedatteb, o ag, ‘Dan danab, ahilag kayak genab bau daatte, genab amubia,’ o ag, ‘Berseba appa kayak laa genab bau daatte, genab amubia,’ atteb amu, danab ah amu ag nena qena, baula eɗun ii ahamna.” Yawe Nug anam awa atte.

1 Samuel 31:4

Saul nug guittak anam awa, nug danab bannu keeke nuhig maotte ele amegppa aum. “Pilistia danab amu, ag Kayak ii dootteb, ag uɗin, da aniɗna, yaaiɗna, ag da beɗul komanman nau kuɗum qettamnanu, nahip qep elab gaɗappa daatte amu eeɗna aon, iuppe mauhei!” Saul nug anam aum, amge danab ban hak keeke nuhig mawom ele nug eheɗ nau baɗom amunu, nug Saul aum bia ii he, Saul nug nukka qep elab ⌊nuhig⌋ awa, amuppa nukka ha mauhom.

Sam 34:21

Nau hak danab ag nau hak ahilagppa mauhkkulag. Ao, laa ag genab tutukku hak danab dilagnu nau ninig ele dootteb amu, geha bu aoglag.

Sam 79:12

O Naɗi, danab ah ig guguikkak daatteb, ag na aon aon nidappig amu, na ag bu haen eblaih aɗit ele eheɗ heppignu bu madakkutnu oɗ medattem.

Prowerb 6:15

Diig amunu uug naunab nuhigppa pahanab bekku. Ao, nug nauhak pahanab antta, padal meeb, babaittaknu ib laa ii daama.

Prowerb 24:22

Aɗinu? Yawe, king ele aa hepeɗ, nauhak pahanab nai tappe nak danab dilagppa uɗikku; amu auntai laa nug Yawe, king ele, aa danab ah amu bu gane mattaglahnu dootte.

Jeremaia 8:4

Amu Yawe Nug aum. “Jeremaia, na Juda danab ah amelagppa inam appe doyeg! ‘Yawe Nug inam awa atte. Danab ag nena qetteb amu, ag eɗun iite ahatteb? Danab nug ib eheɗ awa gotte amu, nug eɗua, ib tutukku iite aotte?

Jeremaia 18:17

Kaɗag uɗiaya, gappud keeke ehale gotte, amubia da heppi, kekeɗ ag Juda danab ah lamadppeg, matatun gona daaglag. Uug naunab nekkunu deɗ, deɗ amuppa amu da Juda dimatten, ii ehanadpa.” Yawe Nug anam awa atte.

Genesis 19:35

Nug anam a amu, dimppa tueb me, aa mamelah wain mettaeh, nuhig dabmak oh eɗitta ukke, aɗeg gehanu nug ele niipiɗ. Amge Lot nug haen amuppa ele kobol amu ohnu dabmak eɗitta ukkom.

Namba 32:23

Amge ag keeke, da ag hekkulagnunab ippunadmi imu, ag ii heppeg amu, ag aakku Yawe, nuhigppa hipunin hekkulag. Ag aibnab dabmak hambuppuak aoppig! Ag hipunin qewona amu, ag hipuninnu nob nau aoglag.

Prowerb 13:21

Uug nug hipunin danab ah dim lamatta, aben oh ag gottebppa ele gotte; amge genab tutukku hak danab ag ena aon daatteb.

Esekiel 7:5

Amu Naɗi Yawe Nug inam ele atte. “Padal mak naɗi uɗitte! Wanppan danab laa nug deɗ laa padal mak uɗitte amu, nug padal mak amubia laa ii anttom. Iitta.