Prowerb 24:15 - Nobonob Baibel

¹⁵ Na nau hak danab nug laa eheɗ hedakkunu meitta daatte bia, na aib genab tutukku hak danab, nug baekkudppa ele eheɗ hadakkutnu maadna daame; na nuhig keeke yab aokkutnu nug laug aib loppaɗme.

Prowerb 24:15 Referans Kwoze

Aposel 9:24

Qagappig amge laa nug a, Saul nug nai amu aakku doyom. Juda ag nug qeppeg mauhkkunu amun tuqan ele meidna, ib aɗan aab okkainu aɗ odppa daappig,

Jeremaia 11:19

Da sipsip gaiɗ manan, danab qeeb mauhak abenppa awa gotte, da sipsip amubia daami. Ag da iuppeg mauhkkulnu dabmena, ag, “Danab ad o qiie, ad amu ii daatte, meu ele ii otte, ig amubia Jeremaia, nuhigppa hepput, nug amubia dayaɗ!” anana, ag, “Danab ag Jeremaia onig baula dabmemananu, ig makkuɗpput, nug danab ah bau daatteb ele oolagppa aib dayom!” ele appig amu, da Yawe ii ippuniɗom haenppa amu, da amu ii doomi.

Aisaia 32:18

Am dahilad danab ah ag aben maɗoɗ ele daaglag. Ao, ag laulkadppa baɗak iittappa daaglag. Ge, ag aben uug ii betteppa hik aon daaglag.

Sam 140:5

⌊O Yawe, na da ehaniɗkkutnu oɗ medattem.⌋ Dada hak danab ag da aɗailkkulagnu pelem meppig daatte. Ao, ag da uhui laappa nokkulnu meppig daatte. Ag da ippulppa pelem maadppig daatteb. Sila.

Aposel 25:3

Ag yona, ag inam ele appig. “Na ig ehanigna, danab amu aon meppe, ippa Jerusalem uɗikkunu oɗ medattem,” ii daye daye oɗ medappig. Ag anam appig, amge diigppanab ag ib aɗan lokkumna daanna, Pol qeppeg mauhkku dabmeppig.

Aposel 23:16

Ag anam hekkulagnu appig, amge haen Pol bekka nakok, nug anig Pol ele aa eappinag amu, nug ag ib aɗan daappeg, Pol noobob, qeppeg mauhkkunu mattiegeg doya amu, nug ukka, daup laulag ooppa noa, nug Pol amegppa amunu aum.

Matyu 26:4

Qagmena ag ib attemuppa Jesus lokkumakppa aɗan, qeppeg mauhkkunu hettoɗina nai madippig.

Prowerb 22:28

Wannu tom epponak men, ig mamenkad aɗi anukka meppig amu; na aib men amu mautppe, laih waum.

Prowerb 1:11

Ag inam akkulagtai. “Na doppe, ig ele, ig laa meidta daatta, qepput mauhaɗ! Ao, ig danab nug beɗuppa aab iitta, ig nug hamu qepput mauhaɗ!” akkulag.

Sam 59:3

Aɗinu? O Yawe, antte! Danab ag da niɗaglagnu meiɗna hetteb. Danab ag lailkad aqaglagnu tiilagppa daatte ele amu, da ahilagnu hipunin laa, o eheɗ laa ii hemi, amge ag attem hena, da niɗaglagnu maittak aotteb.

Sam 56:6

Ag qagmena, ag dahilppa eheɗ nau hekkulagnu mattiak aotteb. Ag eheɗ heiɗkkulagnu meiɗna daatteb. Da aɗi keeke hettem amu, ag neegna autna aotteb. Ag da iuglagnu hetteb.

Sam 37:32

Danab ag nau hetteb ele, ag genab tutukku hak danab maadna daatteb. Ag aqappeg mauhkkulagnu hetteb.