Prowerb 24:13 - Nobonob Baibel

¹³ O bekkal, uppuh leppu am ena amunu, na la! Ge, uppuh leppu teɗuppanu am lanak ubuhi ele.

Prowerb 24:13 Referans Kwoze

Aisaia 7:15

Ataɗeb ukkeb, tatam nid amu nug nakok ena ma, haen nug dabmak ele dayaya, nug kobol aɗi am kobol genab tutukku ele, kobol aɗi am kobol nau ele doya, aria dimppa nug uppuh leppu, sis huhppa hak amu lakku.

Solomonnu Ahi 5:1

O ah dahil, na dahil ah daakkutnu awidmi. Da dahil dadppa iikku bemi; dad dahil imuppa amu, da keeke muttuɗig enanag mir, spais digdig ele aomi. Da ippa uppuh leppu ataɗa nette, uppuh leppu teɗppanu ele lainne; da wain, huh ele lami. O ig lainti, aa ee, le ele laiɗ! Ao, danab le elelenab lanana, elele dootte, amubia aa nug oo mauhak doottep ele, aa lapeɗ, eleleppa taɗ!

Prowerb 25:16

Na uppuh leppu anidkkut dayeb, na aib huana lame; na huana lakkut dayeb amu, na bahakkut.

Solomonnu Ahi 4:11

O ah dahil, ubuhi okkai, uppuh leppu teɗppanu ataɗa nette bia, na ottinppa daatte. Ao, uppuh leppu, makau huh ele am na lemaɗun waappa daattep; amu nahip lamennu muttuɗig am enanag, plang gikkiak Lebanon wanppan ad sidappanu, amubia.

Sam 119:103

Danab laa nug keeke ubuhi ele lakkunu oo huana hette, amubia da nahip nainu ool huananab hette. Uppuh leppu am ubuhi elenab, amge nahip nai am ubuhi huanaknab ele.

Sam 19:10

Gol am nakok ena. Ge, gol ena dubuttid iitta ele kuɗum am nakok ena. Amge Yawenu ɗo oh am enanagnab. Uppuh leppu amu ubuhi ele. Ge, uppuh leppu teɗuppanu am ubuhi enanag. Amge Yawenu ɗo oh amu, am amu eɗidtte.

Matyu 3:4

Amu Jon nug lamen kamel uɗigppa hak ma, nug imuagppa matagiɗ doɗ gaɗappa hak ele tagattom. Nuhig ee am atuppanu uppuh leppu, tap-lokus ele.

Prowerb 25:27

Uppuh leppu huana lanaknu am ena iitta; amubia danab nug nukka laa ag nug binag mekkulagnu eeɗadkku am ena iitta.

Prowerb 16:24

Nai ena am ubuhi ele, uppuh leppu bia; am danab ouɗi, beɗu ele ehanidtte.

Prowerb 27:7

Danab nug oo dittiak dootte, nug uppuh leppu, ⌊aɗitai ee laa ele⌋ lakkun uutte; amge danab nug enug qette amu, nug ee lanak baag ninig ele ubuhi bia doyaya latte.

Ikki Danab 14:9

Nug antta, nug eppegppa uppuh leppu laa ekkaɗa awa, lanana ukkom. Ugakka, haen nug mameg anig ele eɗua gumata ta amu, nug laih laa aa mate, aa ele lapiɗ, amge nug laion ebehiudppan awomnu amelahppa ii aum.

1 Samuel 14:27

Saul nug Kayak onig awa, daup ag ee laa ii lamananu nai ɠagattag qetta aum, amge Jonatan nug mamegnu nai amu ii doyom amunu, nug uppuh leppu dayom abenppa ta, nug nuhig dudqak hokkat ikki duttune, uppuh leppun teɗ ooppa no, uppuh leppu nakok laa awa laum amunu, nug beɗu eɗua, ɠagattag qeum.