Prowerb 23:4 - Nobonob Baibel

⁴ Na en okkainab aɗakkutnu uɗat ge iitta aib heme; na amu hemananu na doyak dabmak ena ele aɗan, nagakka atognoitte!

Prowerb 23:4 Referans Kwoze

Hibru 13:5

Ag oolag men doɗonu aib mauhom. Keeke ag aɗatteb ele, ag amunu elele doyeg! Aɗinu? Kayak Nug aum aakku daatte. Amuam, “Da na ii uuidpa, da na ii paɗaidpa,” awa aum.

Prowerb 28:20

Danab laa nug oo metta ii uuak kobol haahaib daatte, nug itittak ena kuɗum aokku; amge laa ag enulag okkai ele daaglagnu hik aqe oitteb, ag am bu aoglag.

Matyu 6:19

Wan imuppa amu, keeke laala tiig qe, iitta mette, keeke laala dittuɗ laeg, iitta mette, amu yabhoi danab ele ag lag keeke loppaɗna, keeke yab aotteb amunu, ag wan imuppa en okkai ahilagnu aib qagmeppig.

Prowerb 3:5

Amu na meut ohppa Yawenu ootppa genab doye! Ao, na diignu doyak tutukku nahip aib anuqak dabmettanna oime.

Jon 6:27

Ag ee aon lappeg, beɗulag ɠagattag qeeb, wan imuppaib ena daaglagnu aib anuqak dooppig. Iitta. Ag Kayak nai aon dabmenan, bauklel hanhannu aoglagnu anuqak doyeg! Mama Kayak Nug da ag amu madakkulnu ɠagattag meɗom amunu amu, Danab Bekkalag da, da ag madakkulnu elele,” awa aum.

Rom 12:16

Ag oh laippu daan, oolag maɗoɗ ele dayeg! Ag dada kobol aib dim lamidppig. Iitta. Ag danab binag okkai iitta ele oh oiyeg! Ag akka ahilagib dabmena, “Da dakka iikku doyak ena ele,” aib appig.

Prowerb 15:27

Danab nug baubau awaknu hik qak dootte amu, nug uug he, baekkudppa dilagppa ele bette; amge danab nug lokkumakppa eheɗ haknu ehanittak awaknu o mettaknu, nug amunu nau ninig ele dootte amu, nug bau daakku.

Prowerb 26:12

Danab nug Kayak dab-ii-maama ii dim lamidtte amu, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug nukka nuhignu, “Da doyak dabmak ena ele aɗe oittem,” anam dabmette amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.

Aisaia 5:21

Danab ah aun aɗi ag inam anana, “Ig amu, ig doyak dabmak ena ele,” atteb, ahilagnu am gadonnab gadon. Ao, aun aɗi ag inam anana, “Ihinig dabmak ignab ehanigkkunu elele,” dabmetteb amu, ahilagnu am gadonnab gadon. ⌊Ag padal mekkulag.⌋

Prowerb 3:7

Na nakka amu, “Da iikku, da doyak dabmak ena okkai ele daattem,” aib dabmeme. Iitta. Na Yawenu ebehin oh bodoetta le meeb, Nug dim lamidkkutnunab oinna, kobol eheɗ aib heme.

Rom 11:25

O lailad, ag akka ahilagnu dabmena, “Ig doyak binanig ele okkainab,” aon amananu da ag nai anukka tonak dayom amu da geha iikku miag atiak madikkulnu hettem ele amu, ag amunu ootot ii aqamanu ool daatte. Anam amunu, da nai anukka tonak dayom ele imu ahilagppa diig matule madittem. Amu inam. Israel danab laala ag dabmak ɠagattag eppom ele, kobol amu ahilag am anamib dayeb ukkeb, iitta aɗi ag Kayak dim lamidkkulagnu nuhig aɗppa wappeg, ebqak melemel elele aokku.

Mak 4:19

amge ag wannu haen imunu uug laala, amu enub awak uɗat amu ameg qak kobol ele, keeke amu oh ag oolagppa he, Kayak nai iitta ma, meu ii otte.

Job 27:19

Nug en okkai ele dayaya, tuqan niiak balal attan ukka qa niitte, amge baula anam ii hema; nug buttua aha, en oh iitta meum anidkku.

Eklisiastis 5:13

Da eheɗ nau laa aam waappa daye anidmi. Amuam, danab nug enub okkai aotte, amge nug en amu eppegppa ɠagattag aɗaɗa daye, amuppa guittak nuhigppa bette;

Jeremaia 9:22

Yawe Nug da nai imu appi dooglagnu da amelppa aum. “Yawe Nug inam awa atte. ‘Qinob, haen amuppa, danab mauhppig ele, ag gaɗalag am dad okkaippa kinipan bia niiglag. Ag danab ee aeg awewe, gumu kuɗum wanppa nena qetteb, ag gaɗalag am amubia daaglag. Ag anam daappeg, laa diin boumadkkulagnu laa ii daama. Iitta,’ ” awa atte.