Prowerb 23:35 - Nobonob Baibel

³⁵ Na wain huana lawona, na inam akkut. “Ag da oiɗppig, amge da guittak ii meɗappig. Ao, ag da oiɗppig, amge guittak laa ii doomi. Da ganeb le baula lakkulnu niiaknu uue, eɗuen ahakkul.” Na anam akkut.

Prowerb 23:35 Referans Kwoze

Jeremaia 5:3

Yawe Nug anam a amu, da Nug amegppa ami. “O Yawe, na danab aun aɗi ag doyak diig genabib dim lamidkkulagnu hetteb ele, na danab ah amubia mattiadttem, ⌊amge nahip danab ah ag amubia ii hetteb⌋. Na bu mattame, amge ag eheɗ heppignu oolagppa guittak ii dooppig. Na oɗoɗadme, amge ag bu mattak nahip amu ii dabmena, oolag eɗukkunu uuppig. Ag heeg, ag na oɗen dim lamidmananu dabmak ahilag ɠagattag eppom. Ag oolag eɗukkunu uun, iinab heppig,” awe ami.

Aisaia 56:12

Ag akka akka nug amegppa mattin atteb. “Ahappeg! Ig gota, wain aotu! Ao, ig gota, bia aot lapput ukkeb, oonig didikku. Ig amu hetata oipput, butti am ele deɗ ena, gemu bia daakku, amge gemu bianab ii daama. Iitta! Buttinu oo gamag ahak am gemunu eɗidkku,” aon atteb.

Prowerb 27:22

Danab nug ee aeg awa, ganuɗaknu masinppa me ukke, kalu daatte. Anam amge, na danab nug Kayak dab-ii-maama ii dim lamidtte ele, na nug anam bia eheɗ hedakkut dayeb amu; nug nuhig Kayak dab-ii-maama hak kobol ii uuma.

Prowerb 26:11

Qai nug bahowa, nug eɗua awa latte; amubia, danab nug Kayak dab-ii-maama ii dim lamitte ele, nug Kayak dab-ii-maama hak kobol eɗua baubau hette.

2 Pita 2:22

Amu oiyak ehanittaknu nai tutu aɗit laa aa genab attep. Nai amuam inam. “Qai nug bahowa, nug eɗua awa latte.” Amu laa ele, “Bo laa nug beɗu leppa ihak ele amu, nug eɗua hikoɗ laatte.” Nai amu ahilagnu atte.

Epesus 4:19

Ag aɗi hipunin hetteb amu, ag uɗa nak ii doonna, ag baɗak ele iitta amunu, ag beɗun kobol dubuttid ele digdig oh henana, ag tuɗidna naunab ele hekkulagnu dabmetteb.

Jeremaia 31:18

Amu Yawe Nug atte. “Da genab Israel danab ah ag mahitteb doomi. Ag mahina atteb. ‘Makau nag nug nai ii doyaya, kobol digdig heehe, mameg bu mettom, amubia Kayak, na ig bu anam mekkame. Ig bu aakku aomut. O Yawe, na am ihinig Kayak amunu, na ehanigppe, ig eɗut nahip-ppa uɗignignu oɗ medattem.

Aisaia 22:13

Amge antteg! Ag oo doyak kobol amu ii hemana. Iitta! Ag oo gamag ahak doon, ahi goɗak, hobul ee naɗi hena, sipsip aqan, makau baalag otaɗadnana, henan lanana, ag wain ele lakkulag. Lanana ag akkulag. “Doppeg, haen elab iitta ig mauhkkunig amunu, ig ee le ele aot latu!,” akkulag.

Duteronomi 29:19

Amu danab laa nug ig Israel, ig Yawenu danab ah daattem, Nug am ihinig Kayak daatte, nug nug tituana nai qakkak nai amu dabmaama, diig amunu nug inam aib dabma aum. “Da eheɗ tuɗitten, heinneib daakkul, me da ena daakkul.” Nug anam aib heum. Danab ag amu hetteb, ag ahilag wan oh heppeg nauhkku; wan le daatteppa, wan laa le ii daatteppa ele oh nauhkkulag.

Prowerb 23:34

Na lakkut dayeb, na kaaka nitteb, na danab nug kaaka qeeb, nug uub attan, yuppa ulah naɗi duban ele heehe, nug uub koɗokkoppa niiaya daatte, na anambia daakkut.