Prowerb 23:34 - Nobonob Baibel

³⁴ Na lakkut dayeb, na kaaka nitteb, na danab nug kaaka qeeb, nug uub attan, yuppa ulah naɗi duban ele heehe, nug uub koɗokkoppa niiaya daatte, na anambia daakkut.

Prowerb 23:34 Referans Kwoze

Luk 21:34

Jesus Nug anam ana, Nug nai tuɗitta aum. “Keeke amu bekkun daatte amunu, ag daulag atieb, ag hanhan ee lanaknuib hik aqeb, le ɠagattag labeppeg, kaaka aqebeb, beɗu ena dayak amunu guattebeb hebeppeg, kobol amuib aha ag tonadmanu tutukku dabmeig! Kobol amu ag tonatteb, Naɗinu deɗ amu ag dab-ii-menana, pahaettak, doɗ pelemppa notte bia ag anadkku.

Matyu 24:38

Hiɗ naɗi ii beum haenppa danab ah ag ee lanana, le lanana, ewau matulak aona, ah nug mettanna, anam heegeg ukke, Noa uubppa teum.

Joel 1:5

⌊Uug naunab amunu amu,⌋ ag danab, ag wain lanan, kaaka aqatte ele, ag gayeg! Ao, ag wain lanak danab, ag mahieg! Aɗinu? Tap-lokus ag uɗin, ag oɗelagppanu wain bau aɗadppig amunu, ag wain laa ii lamana.

1 King 16:9

Amge Ela, nug nuhig ban dilag okkai laa onig Simri, nug Ela kekeɗ metta, qeeb mauhkkunu ib madittom. Simri nug nuhig uɗat am kingnu bannu karis ameg laa, nug amu gumadttom. Deɗ laa king nug Tirsa appa, danab laa, nug kingnu lag enanagnabnu gumak danab onig Arsa, nug nug laugppa ukka, nug le lawowa, digma spak meum.

2 Samuel 13:28

Dawit nug ag oh gokkulagnu aum amunu, Apsalom nug nuhikkud danab amelagppa haknunab nai inam aum. “Amnon nug wain nakok okkai lab, kaaka nakok qeeb, da ag amelagppa, ‘Ag Amnon qeig!’ appi amu, ag qeppeg mauhaɗ! Ag aib baɗappig. Aɗinu? Da ag inam hekkulagnu iite ai dooppig? Ag ɠagattag daan, ag oolagppa ɠagattag doyeg! Ag heig!” awa aum.

Eksodas 15:8

Na hee, ulah ɠagattag iwale, le nug qagma ta, anam ɠagattag dayom. Ao, genab, ulah nahip le duttuna he, oppate, ib le gamagppa dayom. Ge, ulah nahip he, le nug laih laih gilil bia ɠagattag eppa dayom.

Prowerb 23:33

Na lakkut dayeb amu, wain amubia am heeb, dimppa na keeke digdig anidkkut; na nahip dabmak kaaka qekku.

Prowerb 23:35

Na wain huana lawona, na inam akkut. “Ag da oiɗppig, amge da guittak ii meɗappig. Ao, ag da oiɗppig, amge guittak laa ii doomi. Da ganeb le baula lakkulnu niiaknu uue, eɗuen ahakkul.” Na anam akkut.

Prowerb 31:4

O Lemuel, king, ao king, ag wain huana aib lappig. Yo, gumak danab ag aib le ɠagattag lakkulagnu hik qak dooppig.