Prowerb 23:32 - Nobonob Baibel

³² Wain nug anam aakku daye, danab nug latte, dimppa am mat nau emalak bia hette. Ao, am mat naunu ouɗi, danab qe mauhtte, am amubia hette.

Prowerb 23:32 Referans Kwoze

Rom 6:21

Amu ag kobol nau heppig, ag gemu kobol amunu uɗalag nette ele amu, kobol amuppanu ag aɗi keeke ena aoppig? Kobol amuam mauhakib he bette.

Amos 9:3

Israel danab ah ag qauko Karmel igippa tena, da anadpanu appa lokkumna daaglagtai, amge da ag appa mattialatte anatten, aɗualadkkul. Ao, Israel danab ah ag yu ooppa unuqagnab nona, da anadpanu appa lokkumna daaglagtai, amge da haknunab appi, appa yuppan mat nau ag emaladkku.

Amos 5:19

Deɗ amu geha danab laa nug doɗ laion laa baɗitta, oola ukka, doɗ bea laa noobppa watte bia daakku. O iitta, danab laa nug ⌊aɗi keeke baɗitta oola,⌋ laug ooppa noa, nug eppeg bahia, lagnu gilil aɗa hik aokkunu heehe, mat nau laa eppeg emaltte bia daakku.

Jeremaia 8:17

Yawe Nug atte. “Ag dabmeig! Da heppi, mat nau ahilagppa bekkulag. Ao, da heppi, makkai eheɗ, laa nug heeb, ag nau ahilagnu ii hemananu elele iitta, makkai eheɗ amu ag oolagppa bena daaglag. Mat nau amu ag anam ahilagppa bena emaladkkulag.” Yawe Nug anam aakku atte.

Jeremaia 5:31

Kobol naunab nau ag hetteb am inam. Propet danab ag doonna, propet nai hambuppuak maditteb. Mana mettak danab ag akka, ahilag dabmak dim lamidna, danab ah gumadtteb. Propet, mana mettak danab ele ag anam aakku hetteb, amge dahilad danab ah ag kobol amunu oolag mauhtte. Anam, amge ib amu batakppa ag attem anidkkulag?” awa atte.

Aisaia 59:5

Mat nau oppalkad makkuleg, mat nau betteb, amubia Israel danab ag heeg, kobol eheɗ kuɗum betteb. Danab laa nug mat nau amu oppa laa lakkunu haaha, oppa oppate, mat nau ba emale mauhtte. Ge, laa nug oppa amu oppate, mat nau aakku bette. Danab amu ag goɗim nug nuhig teɗ bappaidtte, amubia danab amu ag hambuppuak nai maditteb.

Aisaia 28:3

Israel danab ag spak mena, Samaria onig attannab human, laa oh eɗattak anambia dootteb, amge kekeɗ ag uɗin eheɗ tappan oɗoɗppeg, nug nauha niia, padal mekku.

Eklisiastis 10:8

Danab laa nug moɗ buutte amu, nug amuppa na qekkutai; laa nug men aɗ loppaɗtte amu, mat nug emalkkutai.

Prowerb 5:11

Na ah nug gamu uuitte, danab laa ele oittep ele niiglah amu, nahip bau dayak gog tak haenppa na geha beɗun hiɗeb, ebehin teeb, guittak okkainab doon daanna, na aiqagakkut.

Job 20:16

Mat naunu ouɗi eheɗ nug beɗuppa tekku. Ao, mat nau emaleb mauhkku.

Eksodas 7:12

Ag dudqak hokkat ahilag wanppa eeg nona, ag mat eɗun beppig, amge mat Aronnu dudqak hokkatppanu beum amu, nug aha, mat ag Isip dilag dudqak hokkatppanu beppig amu, nug ag aqa laattom.

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!

Sam 91:13

Na geha laion, amu mat nau ele eɗadppe, ag aɗitai keeke laa hekkulagnu elele iittanab daaglag. Ao, na geha laion bau, mat nau ele tappaladppe noppeg, ag aɗitai laa hekkulagnu elele iittanab daaglag.

Prowerb 20:1

Wain huan lanak amu he, danab kaaka kobol heeg, danab laa ag eheɗ aon aon aqadtteb. Bia nug he, danab ag nug qetteb; aun aɗi ag le laeg, kaaka aqatte, eheɗ oitteb, ag danab doyak dabmak ena ele iitta.

Aisaia 11:8

Nid yuɗ, huh lanan, ekkuɗkkuɗ gotte ele, nug geha mat nau kobra teɗuabppa notte, oɗe amuppa qiɗ hekku. Nid yuɗ, anig huh aɗittom ele amu, nug eppeg bahieb, mat naunab nau teɗ oɗeppa noa, ooppa nokku.