Prowerb 23:31 - Nobonob Baibel

³¹ Deɗ laala wain kokoɗ eppom daatte, am amemɗiag aotte, am wain lana toppua ukkaknu enanag daatte, amge na diig ewam amunu aib neekkidppe, wain oot eeɗom.

Prowerb 23:31 Referans Kwoze

1 Jon 2:16

Aɗinu? Ig doottem, wanppan keeke oh, amuam beɗu kobol haknu oo hak nau dim lamittak, ameg qak doya awaknu oo hak nau dim lamittak, amu nukka binag maknu oo hak nau dim lamittak ele, kobol amu oh am Mame toppanu iitta, keeke amu oh am wanppanuib.

Sam 119:37

Na ɠagattag iuppe, da keeke nau oh dimattei! Na heppe, da nahip naippa dayen oikkulnu oɗ medattem.

2 Samuel 11:2

Dayaya, tueb laappa Dawit nug niiak aben nuhigppanu aha, nug laug, koɗokko uɗem ukkak ele amuppa ta oiyom. Nug oiyaya, neekke ukke, nug ah laa le layeye anttom. Ah amu nug iɗu tuqaknab ele.

Mak 9:47

Laa ele amu na amen he, na hipunin hettem dayeb, na amen laih amu kehan, maoppe ukkaɗ! Na amen laihigib ele daanna hab aabppa gokkut, amuam ena. Amge na amen aɗit oh ele daappe, ag na mawidppeg padal mak abenppa gokkut, amuam ena iitta.

Prowerb 6:25

Nug ah iɗu tuqaknab ele, amge na amu anidna, nug ele niiglahnu beɗunppan eeɗak, na amunu aib dabmena, nug dim lamidme! Ao, nug na neekkittatta, amegppa beɗun eeɗkku, amge na nuhig dabmak amu aib dim lamidme.

Job 33:1

⌊Amu Elihu nug anam mattia mala, nug Job amegppa tuɗitta aum.⌋ “Anam amunu, Job, na dahil nai doye; na daut human, dahil nai oh elele dabmette!

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!

Solomonnu Ahi 7:9

Ge, na oɗen am wain enanag bia daakkunu ool daatte. Wain amuam laa dahilnu oo mauhtte ele, am nuhignu; nug layaya, enanag dookkunu ool daatte.