Prowerb 23:29 - Nobonob Baibel

²⁹ Aun nug uug okkai dootte? Aun nug oo doyak okkai dootte? Aun nug laikkud ele oolag laippu ii daatteb? Aun nug naittuɗ mak ele? Aun nug guittak awom, amge nug ii aolo? Aun nug ameg kokoɗ eppom daatte?

Prowerb 23:29 Referans Kwoze

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!

Aisaia 5:22

Danab ah aun aɗi, ag danab wain lanaknu onilag ele, ahilagnu gadonnab gadon! Ao, danab ah aun aɗi ag le ɠagattag digdig kabolina, huana latteb ele amu, ahilagnu gadonnab gadon! ⌊Ag padal mekkulag.⌋

Aisaia 5:11

Amu danab ag le ɠagattag digdig lakkulagnu guittak doon, lakkulagnu buttuanab ahatteb amu, ahilagnu gadonnab gadon. Ge, laa ag tueb ukke tugmag mette ele, ag wain lanan, kaaka eheɗ aqadtte amu, ahilagnu gadonnab gadon.

Prowerb 23:21

Aɗinu? Danab ag wain laeg kaaka aqatte, o ee huana laeg oolag huana diditte ele, danab amu ag eɗun, daɗek daatteb; ag ee, le ele huana lanana, niiakib niiglagnu hetteb amunu, ag daɗek daanna, lamen nau aakkuib tagatteb.

Nahum 1:10

Aɗinu? Ag danab muɗi qaun ele ooppa dayeye, qaun nug aɗatteb bia daaglag. Ao, ag ahilag wain labeppeg, kaaka aqakku. Ge, gikkiɗah qaɗaiettak huana eotte bia, Yawe Nug heeb, ag nauhna, padal mekkulag.

Prowerb 20:1

Wain huan lanak amu he, danab kaaka kobol heeg, danab laa ag eheɗ aon aon aqadtteb. Bia nug he, danab ag nug qetteb; aun aɗi ag le laeg, kaaka aqatte, eheɗ oitteb, ag danab doyak dabmak ena ele iitta.

2 Samuel 13:28

Dawit nug ag oh gokkulagnu aum amunu, Apsalom nug nuhikkud danab amelagppa haknunab nai inam aum. “Amnon nug wain nakok okkai lab, kaaka nakok qeeb, da ag amelagppa, ‘Ag Amnon qeig!’ appi amu, ag qeppeg mauhaɗ! Ag aib baɗappig. Aɗinu? Da ag inam hekkulagnu iite ai dooppig? Ag ɠagattag daan, ag oolagppa ɠagattag doyeg! Ag heig!” awa aum.

Genesis 49:12

Juda nug danab beɗuppa oɗe laa iitta, nug amubia daakku. Ao, nug danab beɗuppa enanag dootte, nug anambia daakku.

Prowerb 23:20

Laa ag wain huana lanan kaaka aqatte, o doɗ teppu kuɗumnab laegeg, oolag huana diditte amu; na ag ele ouqak aib daame.

Genesis 19:33

Anam a amu, tueb amuppa aa mamelah wain mettaeh, nuhig dabmak oh eɗitta ukke, aɗeg tatamnu nug mameg ele niipiɗ. Niipiɗ, amge kobol amu ohnu dabmak Lot eɗitta ukkom.