Prowerb 23:28 - Nobonob Baibel

²⁸ Am ah amu ag yab danab nug laa meidna daatte bia hetteb; ag ahilag hak nauppa heeg, danab kuɗum ag waalkad uuadna, gappai hetteb.

Prowerb 23:28 Referans Kwoze

Eklisiastis 7:26

Da amu heinne, da imu anidmi. Ah laa nug uhui bia daatte amu, ooppa nug doɗ dilag pelem bia daatte. Ao, nug eppeg am danab qagakkunu sen bia daattep. Da nug danab ninig nau medatte anidmi; mauhak am ninig ele, amge ah amunu ninig mettak am mauhaknu ninig eɗidtte. Danab nug Kayak dim lamidtte amu, nug ah amu eppegppa ii daama; amge laa hipunin dim lamitta hette amu, nug ah amu eppegppa daakku.

Prowerb 7:12

⌊Nug danab laa nug ele niiglahnu anidkkunu amu,⌋ nug haen laala ibppa oitte. Ao, haen laala nug danab ah ag qagmetteb abenppa oitte. Haen laala nug ib oɗatleppa daatte.

1 Korint 10:8

Gappai kobol ele, Israel oolagppa laala heppig bia amu ig aib hemut. Ag kobol amu heppig amunu, deɗ laippuppa 23,000 ag mauhppig.

Hosea 4:11

Israel danab ah, ag wain bau, alag ele laegeg, wain amu he, ag dahilad danab ah, ag diignu doyak tutukku iitta ele oitteb.

Prowerb 22:14

Ah gamu uuitta danab laa ele oittep amu, nuhig nai am moɗ laa umanab noa ukkak bia; aun nug heeb, Yawe oppoɗi beeb, nug amuppa nokku.

Jeremaia 3:2

Ag Juda danab ah ag qauko ikkilkad ohppa neegna, ahilag hak antteg! Ib baag ah nug aben ohppa danab kuɗum ele niitteb, amubia ag Juda ag qauko ohppa kayak hambuppuak noolagppa dup nona binalag meegeg uɗie, gemu ele hetteb. Ag danab nau, nug laanu keeke yab aokkunu ib meitta daatte bia, ag kayak hambuppuak digdig aoglagnu heegeg uɗie, gemu ele hetteb. Ag kayak hambuppuak noolagppa dup noa binag mak kobol, amuam gappai kobolbia, ag kobol amu henana, ag nau hak kobol digdig laa ele heegeg uɗie, gemu ele hetteb amunu, ag kobol amu hettebppa, ag amuppa heeg, wan am dubuttid tak ele daatte.

Prowerb 9:18

Nug anam ⌊hambuppualatta⌋ atte amunu, laa ag nug nai mattie dootteb ele, ag laa, ag nug aɗi maditte, ag amu dim lamidna hena mauhtteb, ag amu dab-ii-mettanna mauhtteb. Ao, laa ag nuhigppa watteb, ag mauheg, boumadtteb.

Namba 25:1

Amu Israel ag Sitim appa daanna, Israel danab ag digmena, Moap ah ele niippig.

Prowerb 6:26

Aɗinu? Na ib baag ah ele niiglah dayeb, Kayaknu neekkakppa am ena iitta, me na amu hekkut dayeb, na bret kunum laippuib amu haknu ah amu medakkut, amge, na ah ewau pakkua gappai hette ele niiglah dayeb amu, na mauhkkutnu oittem.

Genesis 39:10

Nug attom, amge Josep nug nai nuhig ii dim lamitta, nug piɗe daattom.

Prowerb 7:10

Nug anam noono, ah nug anidkkunu doum. Nug ib baag ah dilag lamen takka, nid amu nuhig naippa eeɗeb, nug eheɗ heeb, nug ele niiglahnu matu lokkumakppa dab-nab-meum.