Prowerb 23:24 - Nobonob Baibel

²⁴ Aun nug bekka am genab tutukku hak nid daatte ele amu, nug mameg am oo gamag ahak okkai dootte. Ao, aun nug bekka nug doyak dabmak ena ele, nug nuhignu enanagnab dootte.

Prowerb 23:24 Referans Kwoze

Prowerb 10:1

Oiyak ehanittaknu nai tutu Solomonnu ⌊laa⌋ am inam: Bekka laa doyak dabmak ena ele nug mameg oo gamag ahak medatte; amge bekka laa dabmak tutukku iittappa keeke laa hette ele, nug anig oo uug medatte.

Prowerb 15:20

Danab bekka doyak dabmak ena ele nug he, mameg oo gamag ahak dootte; amge nid nug dabmak tutukku iittappa oitte ele, nug am laa anignu ena iinab dootte, nug amubia hette.

Prowerb 29:3

Danab nug doyak dabmak ena elenu oo mauhtte amu, nug mameg oo gamag ahak medatte; amge laa nug ib baag ah ele oitteb, nug nuhig en kakidtte.

Pilemon 1:20

Ao layal, Naɗi onigppa na dahil dabmak dim lamidkkutnu oɗ medattem. I oh am Kristusnu daattep amunu, na kobol amuib heppe, da ool ena daakku.

Pilemon 1:9

amge da oo mauhak kobol dabmein, anam hekkulnu uumi. Da na nahip oo mettak kobol dabmenana, amu hekkutnu iikku unuqidttem. Yo, da Pol, da kaino mein oittem, da gemu Kristus Jesus onignu hippalak danab daattem amu da, “Na he!” akkulnu uuen, iikku amunu unuqidttem.

Eklisiastis 2:19

Keeke oh da doyak dabmak ena ele dim lamitten bappaidkkulnu uɗat huan heine daami amu, keeke amu oh danab laa da abenal awa daakku ele, nug eppegppa daakku. Nug am danab doyak dabmak ena ele, o iitta, nug danab Kayak dab-ii-maama ii dim lamidtte ele, da ii doottem, amge keeke amu oh nug eppegppa aakku daakku. Kobol amu ele am gaɗappa, unuqagppa ele anttak laippu iitta.

1 King 2:9

Amge na nug nau dahilppa heum amu, na amunu dabmak aona, na, ‘Nug eheɗ laa ii heum,’ aib dabmeme. Na am danab doyak dabmak ena ele amunu, na nuhigppa aɗi hekkutnu daatte amu, na dookkut. Na heppe, nug mauhaɗ!” awa aum.

1 King 1:48

Nug Yawe noobppa dup noa binag ma, nug inam aum. ‘Ig Yawe, Israel dilag Kayak, ig Nug binag metu! Gemu Nug he, nid dahil imu nug da abenalppa king be, nug dahil sia kingppa dayeye, da anidmi!’ ” awa aum.

Prowerb 27:11

O bekkal, na doyak dabmak ena ele aɗan oikkut, amuppa na heppe, da ool gamag ahakku; na doyak dabmak ena ele aɗappe amu, da aun nug dahilnu, “Keeke hamunab,” dookku amu, da nuhig nai nob mekkulnu elele daakkul.