Prowerb 23:18 - Nobonob Baibel

¹⁸ Aɗinu? Na anam hekkut dayeb amu, genabnab genab na butti aɗi ena daakkutnu dabmak aɗan oikkutnu elele; amu laa heeb, butti aɗi ena daakkutnu dabmak aɗa oiyak amu iitta iinab mema.

Prowerb 23:18 Referans Kwoze

Hibru 10:35

Amunu ag ooppa ɠagattag qettak ahilkad amu aib maoppeg ukkom. Aɗinu? Geha ag keeke amunu nob enanag aoglag.

Sam 9:18

Aɗinu? Yawe Nug heeb, danab ah ag tutu mak oitteb ele, ag laa eppelagppa hanhan ii daamna. Ao, Nug heeb, geha daɗek danab ah keeke ena bekkunu dabmak aɗan oiglagnu, ag ahilag dabmak amu iitta ii mema.

Jeremaia 29:11

Aɗinu da, Yawe, da anam hekkul? Da ag Juda, da ahilagnu maittak ena laa ele aɗe daattem. Maittak amuam, da heppi, ag maɗoɗ ele daaglag. Da eheɗ hadakkulnu maittak aɗe ii daattem. Da ag, ag ena bena, baɗak iitta daaglagnu dabmak aɗan oiglagnu maittak aɗe daattem.

Prowerb 24:14

Uppuh leppu ubuhi ele daatte, lanaknu am ena, amubia na doyak dabmak ena ele aokkut am ena. Na doyak dabmak ena ele aokkut dayeb amu, na butti aɗi ena daakkutnu dabmak aɗan oin daappe, laa nug heeb, ena daakkutnu dabmak aɗan oiyak amu, amuam ii iitta mema.

Pilipai 1:20

Amu da keeke laa hekkulnu dabmak aɗe daattem, am keeke amu ele da genab hekkulnu maittak aomi daattem amu, amuam da uɗat, Kayak da hekkulnu meɗom amu, da uɗat amu eleleib hein maloya, da uɗat heminu uɗa nak laa ii doopa. Yo, da geha iikkunab, am haen oh ele, da aɗi hekkul amu, da ii baɗeɗe heinne, da amuppa Kristus Nug binag okkai medakkulnu ool naɗi daatte. Da bau daakkulte, iitta da mauhkkulte, amuam keeke okkai iitta, amge da beɗulppa keeke oh bekku ele amu, da keeke amu ohppa Kristus binag okkai medakkulnu ool daatte.

Prowerb 24:20

Aɗinu? Eheɗ hak danab ag butti aɗi ena bekkulagnu dabmak aɗan oiglagnu ib laa iitta. Ao, nau hak danab ag danab nug lam he qauhtte, ag anambia qauhak daaglag.

Sam 37:37

Ag laa, ag danab ah beɗulagppa aab iitta am anatteg! Ao ag tutukku hak danab ah dilagnu dabmak aweg! Aɗinu? ⌊Danab ah amu ag maɗoɗ ele dayaknu oolag mauhtte, amu⌋ Yawe Nug danab ah ag maɗoɗ ele dayaknu oolag mauhtte am ehanatta heeb, ag butti aɗi ii iitta memana.

Luk 16:25

Awa a amu Abraham nug aum. ‘Nagppi, keeke laippu imu na dautppa dokku. Anukka haen na wanppa bau daanna, na keeke ena oh aome, amu Lasarus nug am keeke oh nau awom. Amge gemu aben imuppa nug am oo ena dayeye, ge na amu guittak nau doottem.

Sam 19:11

Am da, nahip maɗi nid, da nahip ɗo aɗe dabmedakkul dayeb amu, da eheɗ hein, nau aopanu dabmak meɗakku. Danab ah ag aɗan dabmettaglag dayeb amu, ag geha nob ena okkainab aoglag.

Sam 58:11

Amu beeb am, danab ag akkulag. “Am genab, laa ag genab tutukku hak danab ah daatteb, ag nob ena anidtteb. Ao, genab, Kayak Nug wan imuppan danab ah epeɗiadtte amu, Nug daatte,” aon akkulag.