Prowerb 23:16 - Nobonob Baibel

¹⁶ Na nai tutukku madippeppe; da ool unuqagnab, da appa gamag ahak okkai dookkul.

Prowerb 23:16 Referans Kwoze

Prowerb 8:6

Da keeke meu ele madittem amunu, doyeg! Ao, da nai tutukku, da amuib madittem.

Epesus 5:4

Ag nai oppiaawak iitta, nai dabmak tutukku iittappanu, amu qiɗ hak nai nau ele amu, ag amu mattiglagnu elele iitta. Ag amu aib madippig. Iitta. Ag amu uuna, Kayak amegppa, “Ena heme,” anan dayeg!

Jems 3:2

Am ig oh haen kuɗum taataɗ qettak hettem, amge danab laa nug nai mattiak nuhigppa eheɗ laa ii hette dayeb amu, nug danab elelenab; nug nuhig meu oh ena atognokkunu elele.

Kolosi 4:4

Da Kristusnu nai miagib mehuqkkulnu amu, ag amunu ele unuqitteg! Aɗinu? Kayak Nug uɗat amu da hekkulnu meɗom.

Epesus 4:29

Nai uɗig wak laa ag oɗelagppa aib beum. Iitta. Nai ena danab ɠagattag madatte, danab ehanadtte, nai amuib ag oɗelagppa baɗ! Amuppa danab ag ahilag nai dootteb ele amu, ehanittak mattaglagnu elele.

Prowerb 23:17

Na hipunin danab dilagnu aib amen qe, oot elele ii dayom; iitta, na hanhan Yawenu ebehin oh bodoetta le mekkunu yag-nab-bak doye!