Prowerb 23:15 - Nobonob Baibel

¹⁵ O bekkal, na doyak dabmak ena ele dim lamidkkut dayeb amu; da ool gamag ahakku.

Prowerb 23:15 Referans Kwoze

2 Jon 1:4

Ao, da nahipad nid naunau laala ag doyak diig genabib Mame Nug ig anam dim lamidkkunignunab aum ele amu, ag amu dim lamidna daatteb doyena, da maɗoɗppan gamag ahak okkainab doottem.

Prowerb 29:3

Danab nug doyak dabmak ena elenu oo mauhtte amu, nug mameg oo gamag ahak medatte; amge laa nug ib baag ah ele oitteb, nug nuhig en kakidtte.

Sepanaia 3:17

Yawe, ahilag Kayak, Nug ag oolagppa daatte; Nug am ban danab ɠagattag, Nug hanhan nuhikkud ehanatte, ag kekeɗ eɗadtteb. Yawe Nug ahilagnu enanagnab dookku. Nug ahilagnu oo mauhtte, amu amuppa ag maɗoɗ aoglag. Ge, Nug ahilagnu oo gamag ahebeb, ahi edakku,” aon akkulag.

Prowerb 4:1

O bekkalad, da ag mamelag, ag dahil ippunittak nai doyeg! Ao, ag diignu doyak tutukku aoglagnu amu, ag daulag human, dahil nai doon, elele dabmetteg!

Prowerb 2:1

O da bekkal, na dahil nai aon autna aokkut dayeb, na dahil haknunab nai aon, ootppanab mekkut dayeb,

Prowerb 1:10

Da bekkal, hipunin danab ag na eeɗidkkulag dayeb amu, na aib dim lamadna, ag atteb bia heme.

1 Jon 2:1

O nid naunau dahilad, ag hipunin ii hemananu da nai imu ye madattem. Amge laa nug hipunin hekku amu, ihinig ehanittak, Nug am gamag danab, Nug Mame toppa daatte. Nug Jesus Kristus; Nug am genab tutukku hak danab.

Prowerb 15:20

Danab bekka doyak dabmak ena ele nug he, mameg oo gamag ahak dootte; amge nid nug dabmak tutukku iittappa oitte ele, nug am laa anignu ena iinab dootte, nug amubia hette.

Prowerb 10:1

Oiyak ehanittaknu nai tutu Solomonnu ⌊laa⌋ am inam: Bekka laa doyak dabmak ena ele nug mameg oo gamag ahak medatte; amge bekka laa dabmak tutukku iittappa keeke laa hette ele, nug anig oo uug medatte.

Jon 21:5

Am Jesus Nug ag oɗ mattom. “O nid, ag kakai laa aoppigte?” awa aum. Anam a amu ag, “Iitta,” aon appig.

Jon 15:11

Da maɗoɗppan gamag ahak dahil ahilagppa daakkunu nai imu mattimi. Amuppa ahilag maɗoɗppan gamag ahak ag oolagppa ambaknab daakku.

Luk 15:32

amge gemu amu ig gamag ahak doopput, ig oonig ele ena daakkunu elele. Aɗinu? Na amap imu nug mauhom, amge gemu nug eɗua bau daatte. Nug qettoɗom, amge ig nug eɗut anidttem,’ awa aum.” Jesus Nug nai amu mattiom.

Matyu 9:2

Ukka, appa dayeye, danab laala ag lailag oɗe ele, nug baeg eppeg mauhak ele, ag nug qaɗaqaɗppa maon, Jesus toppa uɗippig. Uɗieg, Jesus Nug ooppa genab doyak ahilag antta, Nug oɗe danab amegppa aum. “O nan, na ootppa ɠagattag doye! Nahip hipunin oh amu da uhuqe medattem,” awa aum.

Jeremaia 32:41

Da ena hadakkulnu ool gamag ahebeb, da genabnab meul ohppa ena hadappi, ag wan amuppa ee laa datta enanag bette, ag amubia wan imuppa enanag bekkulag.” Yawe Nug anam awa atte.

Prowerb 27:11

O bekkal, na doyak dabmak ena ele aɗan oikkut, amuppa na heppe, da ool gamag ahakku; na doyak dabmak ena ele aɗappe amu, da aun nug dahilnu, “Keeke hamunab,” dookku amu, da nuhig nai nob mekkulnu elele daakkul.