Prowerb 23:10 - Nobonob Baibel

¹⁰ Na wannu tom epponak men anukka mak amu aib mautppe, laih waum. Ge, na nid naunau mamelkad mauhppig ele, na ahilag wan daug laih adekku aib yab aome.

Prowerb 23:10 Referans Kwoze

Prowerb 22:28

Wannu tom epponak men, ig mamenkad aɗi anukka meppig amu; na aib men amu mautppe, laih waum.

Sekaraia 7:10

Ag ah qab, nid ag mamelkad mauhppig, wan laihnu danab ah, amu daɗek danab ah ele aib eheɗ hadappig. Laa amu, ag anen anen, ag lailkad dilag guittak mattaglagnu maittak aib aoppig.” Yawe Nug anam atte.

Duteronomi 27:17

Appeg, Lewi buɗub ag inam akkulag. “Aun laa nug layag mudippan laippu, nuhig tom maute wa, nuhig wan yab aotte amu, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

Jems 1:27

Danab nug Kayak, ig Mamenig, Nug binag tutukku mekkunu amu, Kayak Nug kobol imunu elele anidtte. Danab amu nug nid naunau laa ag mamelkad anilkad mauhppig, o iitta danab nug mauhe, wau qab ma daatte ele amu, nug amu ehanatta, uug ahilag maokku. Keeke laa ele, nug nuhig oiyak, dayak elenu dabmak awa, nug wanppan kobol, nug oo dubuttid mettamanu, amu ele nug dabma auta aokku.

Jeremaia 22:3

Yawe Nug inam atte. Ag nai doya mala hettoɗia epeɗia elele mettak kobol, kobol genab tutukku ele dim lamitteg! Ag nai doya mala hettoɗia epeɗia elele mettak kobol henana, aun aɗi ag gai-iitta daan, danab ɠagattag eppelagppa daaeg, eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag wan laihnu danab ah, nid ag mamelkad mauhppig ele, ah qab ele dilagppa kobol eheɗ aib heppig; guittak ele aib madappig. Laa eheɗ laa ii heppig ele ippa aib aqappeg mauhppig.

Duteronomi 19:14

Amu Yawe, ahilag Kayak, Nug wan ahilag daakkunu ag madatte amu, ag amuppa nona, ag aibnab mudippan lailkad dilag wan aoglagnu tom ag alalkad meppig mautadppig.

Malakai 3:5

Amu Yawe Nukka Ɠagattag Oh Ele Nug atte. “Haen amuppa da ag hettoɗiakppa maadkkul. Da danab ag onig awak heppig, danab wau uuitta ah laa ele oipiɗ, laa hambuppunna, nai hambuppuaknu, da dahil nai ɠagattag qein, nai amuam genab attem, appig ele amu, da ahilag kobol nau amunu paha mattien, naippa yaaladkkulnu daakkul. Laa ag ahilkad uɗat nid daden elele ii madappig, laa ag ah qab, gamulkad mauhppig, amu nid anilkad mamelkad mauhppig ele eheɗ hadappig, amu laa ag wan laihnu danab ag uɗin, ag oolagppa daaegeg, ag ahilagnu nai doya mala hettoɗia epeɗia elele mettak kobol ii dim lamidppig amu, da ahilag kobol nau amunu paha mattien, naippa yaaladkkulnu daakkul. Danab ah nau amu hetteb ele amu, ag dahilnu ebehilag oh bodoetta le ii mette amunu, da anam hekkul.” Yawe Nukka Ɠagattag Oh Ele Nug anam atte.

Jeremaia 7:5

Ag ahilag hak nau gaɗalagib ii uuna, ag genab uuglag dayeb, ag eɗun kobol ena dim lamidnana, ag laa dilagnu nai doya mala hettoɗia epeɗia elele mettak kobol dim lamidkkulag dayeb,

Sam 94:6

Ag ah qab, wan laihnu danab ele aqaeg mauhtteb. Ao, ag nid naunau anilkad mamelkad mauhppig amu, ag ag duulkad otteb.

Job 22:9

⌊Na amu heme, amge laala ele am:⌋ na ah qab laa gamu mauhom ele, nug eenu na unuqitte, na hee, nug eɗua, ee iitta ele lakka ukkom. Ao, na hee, nid ag mamelkad mauhadppig, ag nau daappig amu, ag eppelkad qiiak bia daappig.

Job 6:27

⌊Ag am danab oo doyak nakok laa iitta!⌋ Ib laa bekku dayeb amu, ag nid laa, mameg mauhom ele, ag nug laa dilag maɗi nid daakkunu om yaakppa ag eppelagppa mekkulag. Ge, ib laa bekku dayeb amu, ag, ag lailag aon meppeg, laa uɗia, nuhig maɗi nid daakkunu daden ma, awa gokku.

Job 24:9

Nid yuɗ, mameg mauhom ele amu, nug anignu huh ii uuom, huh lanan dayeye, anig nug gamu iitta, keeke ele iitta amunu, nug eɗua lonnu men doɗo nau hak danab medakkunu elele iitta dayeye, nau hak danab nug uɗia, ah amunu nid yuɗ huh laawo, aɗitta awa ukka me, laa nid am okkai ma, nuhig maɗi nid daakkunu daden mette. Ge, daɗek ag men doɗo aoglagnu gona, nau hak danab eppelagppa lon aon, eɗun men doɗo amu nob mattaglagnu elele iitta daaegeg, nau hak danab ag ahilag men doɗo eɗun aoglagnu daɗek dilag nid yuɗ diitteb.

Eksodas 22:22

Ag ah qab, o nid laa anilkad mamelkad mauhppig amu, ag laa amubia, ag ahilagppa aib eheɗ heppig.

Prowerb 15:25

Yawe Nug dada hak danab laug loppaɗe nette; amge Nug ah qab dilag keeke atognotte.

Jeremaia 7:6

amu ag laa, ag wan laihnu danab, aria nid ag mamelkad mauhppig, amu ah ag gamulkad mauheg, qab daatteb, ag amu eheɗ hattanana, ahilkad keeke yab bia aotteb amu, ag kobol amu genab uun, ii hekkulag dayeb, ag wan imuppa danab hamu aqappeg ii mauhkkulag dayeb, ag gemu kayak hambuppuak dim lamadna, amuppa eheɗ aotteb amu, ag kobol amu ele uuglag dayeb,