Prowerb 22:29 - Nobonob Baibel

²⁹ Danab nug nuhig uɗat hak doya autanab awom daatte, nug king toppa dayaya uɗat hekku; nug danab hamunu uɗat ii hema.

Prowerb 22:29 Referans Kwoze

1 King 11:28

Jeroboam nug uɗat amu haaha, nug uɗat ena hettom amunu, haen King Solomon nug Jeroboam nug nid bau uɗat ena hettom antta amu, Solomon nug Jeroboam awa, Epraim, Manase ele dilah danab ag uɗat amu heppig ele, nug ag gumadkkunu tituane, nug uɗat heegeg gumadttom.

Matyu 25:21

Anam a amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

Prowerb 12:24

Danab ag yagbak doon uɗat hetteb ele, ag am anuqak danab daaglag; amge danab ag bahilkad iitta ele, ag am begbeg maɗi nid daaglag.

Prowerb 10:4

Am na bahin iitta daan, uɗat ii hekkut dayeb, na daɗek daakkut; amge na yagbak doon uɗat hekkut dayeb, na keeke ele daakkut.

Matyu 25:23

Amu nuhig okkai nug aum. ‘Na maɗi nid ena, na oo metta ii uuak kobol dim lamidna, uɗat enanag heme. Na keeke nakok amu dabmettan autna aome amunu, da heppi, na keeke kuɗum dilag okkai daanna gumadkkut. Na doppe, da ele oonih gamag ahaɗ!’ awa aum.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Genesis 41:46

Josep nug maɗ 30 dayaya, nug Isip dilag King Paronu uɗat digma, nug toppanu aha ukka, Isip wan ooppa talilia oiyom.

Rom 12:11

Amu ag aib bahilag yom. Iitta! Ag Kayak Ouɗinu ehanittakppa yagbak doon, Naɗinu uɗat pehettak hekkulagnu ag oolag metteg!

1 King 10:8

Kuin nug nai anam anana amu, nug baula aum. “Nahipad danab ag gamag ahak okkainab dootteb bia doottem. Nahip ehanittak anuqak danab ag hanhan na noomppa daan, nahip doyak dabmak ena ele dootteb amu, ag ele gamag ahak okkai dootteb bia doottem.

2 Timoti 4:2

Na amunu dabmak aonna, nai nuhig mehuqe! Danab ag nahip nai dooglagtai o iitta iitai doomna, amge na haen oh Kristusnu nai mehuqe! Haen oh ag Kayaknu kobol dim lamidkkulagnu na ag toliadna, daulag batan, oolag ɠagattag ele aqe! Na amu henana amu, na oo maɗoɗ doon, ippunittak ele pehettaknab he!

Genesis 47:6

Antte! Isip wan aakku daatte. Isip wan laih adekku am enanagnab amu, na appe, ag appa daaglag. Ag wan atu onig Gosen appa ena daaglag dayeb amu, ag appa dayeg! Amu laa ele, laa ag oolagppanu doɗ gumattak uɗat tutukku dootteb ele amu, na appe, ag doɗ dahil gumadkkulag,” awa aum.

1 Samuel 16:21

Saul nug nai anam me ukke, Dawit ukka, Saul gumitta ta, nug aakku digma, Saul ehanittom. Amu Saul nug Dawitnu oo huan daye, nug he, Dawit nug nuhig daup laa, ag Saulnu bannu keeke maoppig ele, Dawit ele nug amu oolagppanu laa aakku dayom.

Prowerb 23:1

Haen danab okkai laa, nug na nug ele ee lakkulahnu oninppa eeb gona balalppa daanna amu; na aun ele ee lattep, nug am danab okkai amu, na amunu dabmena autna awe!

Genesis 41:38

Ag anam doon amu, Paro nug nuhikkud danab amelagppa aum. “Ig danab laa nug Kayak Ouɗi ele imubia ii anidmata. Laa ippa ii daatte,” awa aum.

1 Samuel 17:31

Am Dawit nug anam heehe, ban danab laala ag Dawit nug Pilistia danab amunu atte doon, ag gona, Saul amegppa appig. Ag aeg, nug Dawit uɗieb anidkkunu nai me ukkom.

2 Samuel 2:32

Joap aɗi ag Asahel gaɗa maon gona, mamegnu boumak aben, Betlehem appa dayom amu, ag aguppa boumppig. Ag boumona, ag baelagppa tuqan amuppa oinna, ag gona, buttua aam beebe, ag Hebron teppig.

1 Stori 4:23

⌊Joas, Sarap buɗulti ele⌋ ag waa keeke hak danab; ag Netaim, Gedera ele daanna, uɗat amu kingnu heppig.

Daniel 1:4

Am Nebukatnesar nug Aspenas Israel laa tituanadkkunu ana, nug Israel ag am inam elenu aum. Ag nid danab bau. Ag beɗulagppa eheɗ laa iitta. Ag iɗulag tuqak ele. Ag nid danab sul hena, keeke digdignu doyak aoglagnu uug iitta ele. Ag sul nakok okkai aon malappig ele. Ag keekenu diignu doyak tutukku paha aɗaglagnu uug iitta ele. Dimppa ag king ehanidkkulagnu elele. Aria Aspenas nug anam tituanattowa, nug Babilon dilag nai, ahilag kaya yaak daatteb ele ippunadkkunu nug amegppa aum.

Daniel 1:19

Danab okkai amu nug ag diia ukka, Nebukatnesar noobppa maatte, king nug ag ele nai madippig, amge Daniel, Hanania, Misael, Asaria ele ag laa oh eɗadppig amunu, king nug he, ag nuhig ikki danab daappig.