Prowerb 22:25 - Nobonob Baibel

²⁵ Na anam hekkut dayeb, na nuhig kobol aona, na pelemppa tekkut.

Prowerb 22:25 Referans Kwoze

1 Korint 15:33

Hambuppualadmananude dabmeig! Danab nau ag anam maditteb ele amu, ig ag ele oignig amu, geha ag ihinig dabmak heppeg kabolieb, ag oitteb bia oignig.

Prowerb 13:20

Aun nug danab doyak dabmak ena ele oitte, nug doyak dabmak ena ele awa oitte; amge aun nug danab ag Kayak dab-ii-menan ii dim lamitteb ele oitteb, nug nau anidkku.

Sam 106:35

Ag anam ii heppig. Iitta! Ag danab ah Kayak ii dim lamidtteb ele, ag amu dilag ele ewau matulak awak hena, ag digmena, danab ah amu dilag kobol nau amu heppig.

Duteronomi 7:25

Ag kayak hambuppuak dottolkad adppa hoyattak aab aɗuppa manadppeg eoppeg, silwate, iitta golte amuppa tonadppig dayeb amu, ag gol, o silwa amu amelag qeeb aolobnab dabmak eheɗ aona, aib aoppig. Aɗinu? Yawe, ahilag Kayak, Nug keeke amunu ooppa uuaknab dootte. Ag aib aoppig. Ag aoglag amu, ag pelemppa tena, padal mekkulag.

Prowerb 4:14

Am na nau hak danab ib gotteb ele, na amuppa nakok laa aibnab gome! Ge, na ib laa, eheɗ hak danab ag amuppa oitteb amu, na amu qe-eɗidna wana, laih ukke!