Prowerb 22:2 - Nobonob Baibel

² Enub danab, daɗek danab ele, ag oh keeke laippuppa, ag laippu daatteb; amuam Yawe Nug ag oh hattom.

Prowerb 22:2 Referans Kwoze

Job 31:15

Kayak Nug da, dahilad maɗi nid maɗi ah ele oh ig aninkad oolagppa iite heikkom? Ao, Nug ig aninkad oolagppa ig oh ig beɗunig iite babaittom?

Prowerb 14:31

Danab nug daɗek dilag eheɗ hadatte amu, nug laa Nug nug heum ele, nug nuhignu, “Keeke hamunab,” aakku dootte; amge aun nug daɗek ehanadtte, nug kobol amuppa Kayak binag mette.

1 Samuel 2:7

Yawe Nug he, danab laa ag keeke iitta ele daatteb; Nug he, danab laa ag keeke kuɗum ele daatteb. Ao, Nug he, danab laa ag onilag iitta ele daatteb; Nug he, danab laa ag onilag ele daatteb.

Prowerb 29:13

Keeke laippuib laa, daɗek danab, amu laa nug daɗek danab eheɗ hadatte ele, keeke amu aa oh tonat-tte; amuam Yawe Nug he, aa oh amelahppa neegtte.

Job 34:19

Kayak Nug king tiigppan danab, enub danab, daɗek ele oh hattom amunu, Nug laa nug king tiigppanu amunu, nuhignu diig iittappa ena doya, laanu diig iittappa eheɗ ii dootte. Ao, Nug laa am enub danab amunu, diig iittappa nuhignu ena doya, laa am daɗek amunu diig iittappa nuhignu eheɗ ii dootte.

1 Korint 12:21

Amunu ameg nug eppegnu, “Da dakka am elele. Na da ehaniɗkkutnu uɗat laa ii daatte,” ii akkunu elele iitta. Amu ikki ele nug baekuɗ dilah, “Da dakka am elele. Aa da ehaniɗkkulahnu uɗat laa ii daatte,” akkunu elele iitta. Iittanab!