Prowerb 22:18 - Nobonob Baibel

¹⁸ Aɗinu? Keeke imu dabmak nahip-ppa daakku am ena. Ge, na hanhan imunu madikkutnu nahip dabmakppa babaittak daakku, am ena.

Prowerb 22:18 Referans Kwoze

Jeremaia 15:16

O Yawe, na Yawe Kayak Nakka Ɠagattag Oh Ele, na onin dahilppa daatte amunu, na ae, nahip nai dahilppa uɗie, da danab ee lanaknu baag enanag lanana, gamag ahak dootte, amubia da nahip nainu enanagnab doomi.

Prowerb 2:10

Aɗinu? Doyak dabmak ena ele na ootppa daakku. Ge, doyak am nahip-ppa ambak dayebeb, na maɗoɗppan gamag ahak okkai dookkut.

Prowerb 15:7

Danab doyak dabmak ena ele ag laa doyak ena ele madatteb; amge danab ag Kayak dab-ii-menan ii dim lamidtteb ele, ag anam ii hetteb.

Prowerb 10:21

Genab tutukku hak danab dilag nai am kuɗum laa ehanadtte; amge danab ag Kayak dab-ii-mena ii dim lamidna oitteb ele, ag am epeɗia ha dabmak ena awak kobol ii dootteb amunu, ag geha mauhkkulag.

Prowerb 8:6

Da keeke meu ele madittem amunu, doyeg! Ao, da nai tutukku, da amuib madittem.

Sam 119:103

Danab laa nug keeke ubuhi ele lakkunu oo huana hette, amubia da nahip nainu ool huananab hette. Uppuh leppu am ubuhi elenab, amge nahip nai am ubuhi huanaknab ele.

Hibru 13:15

Danab laa ag Kayak binag mekkulagnu amu ag doɗ keeke main Nug medatteb, amge ihinignu amu, ig Jesus uɗat naɗi ihinignu heum, ig amuppa, mana mettak bia hanhan Kayak binag metu! Ig amu hekkunignu amu, ig oɗenigppa Kayak Nug am ihinig Naɗi akkunig.

Jon 7:38

Laa nug dahilnu ooppa genab dootte amu, Kayak naippa yaak laa daatte amubia, ‘Nug ooppanu le bauklel ele kuɗum am bena gonana daaglag. Iitta ii mema,’ ” awa aum.

Prowerb 25:11

Nai tutukku hanebppanab mattiak; amuam keeke gol, silwa eleppa hak, anttaknu enanag, amubia.

Prowerb 16:21

Danab ag laa, nug doyak dabmak ena ele, ag nuhignu, “Nug am oo maittak awaknu ehah awom daatte,” aon atteb; amu laa nug nai maɗoɗ ele maditte, danab ah ag nuhig naippa ippunittak aoglagnu elele.

Prowerb 10:13

Danab ag oo maittak awaknu ehah aoppig daatteb, ag doyak dabmak ena elenu nai maditteb; amge danab ag epeɗia ha dabmak ena awak kobol ii dootte ele, ag bu aoglag.

Prowerb 3:17

Doyak dabmak ena ele ippu amu enaib. Ge, nug ib atten attenppa danab ah diiadtte amu, danab ah ag maɗoɗib doon oitteb.

Sam 119:171

Na nahip ɗo da ippuniɗttem amunu, da na binan naɗi humattem.

Sam 119:162

Laa nug en naɗinab awa, gamag ahak dootte, amubia da nahip nainu gamag ahak doottem.

Sam 119:111

Nahip ɗo am dahil en hanhannu daatte. Nahip ɗo am gamag ahak da meɗatte.

Sam 119:13

Nahip ɗonu ig amenigppa ame amu, da laa dilagppa mehuqttem.

Sam 19:10

Gol am nakok ena. Ge, gol ena dubuttid iitta ele kuɗum am nakok ena. Amge Yawenu ɗo oh am enanagnab. Uppuh leppu amu ubuhi ele. Ge, uppuh leppu teɗuppanu am ubuhi enanag. Amge Yawenu ɗo oh amu, am amu eɗidtte.

Malakai 2:7

Nug amu heumnu diig am: Mana mettak danab nug doyak tutukkuib madikkunu daatte. Ao, danab ah ag mana mettak danab dilagppanu ippunittak aoglagnu daatte. Diig laa am, mana mettak danab anen anen ag am Yawe Nukka Ɠagattag Oh Elenu nai awa ukkak danab daatteb.

Prowerb 22:19

Da keeke imu gemu na, ge na ippunidttemnu diig am; na Yawenuib ootppa genab dookkutnu hettem.

Prowerb 4:20

O bekkal, na daut human, da aɗi attem imu doon, elele mette! Na dahil nai doon autna awe!

Prowerb 4:21

Keeke da na amenppa madittem ele imu, am na heppe, nahip-ppa dayaɗ! Ao, na ootppa mena, aɗan oiye!