Prowerb 22:17 - Nobonob Baibel

¹⁷ Na daut human, danab doyak dabmak ena ele dilag nai doye! Ao, da aɗi ippunidttem imu amu, na dabmettan autna awe!

Prowerb 22:17 Referans Kwoze

Prowerb 23:12

Laa nug ippunittak nai ena na medatte amu, na doon autna awe! Ao, na daut human, doyak enanu nai doon autna awe!

Prowerb 3:1

O da bekkal, da aɗi na ippunidttem amu, na aib daut atiom. Ao, na daut atimanu amu, na dahil haknunab nai, nahip dabmakppa meppe dayebeb oiye!

Sam 90:12

Ig doyak dabmak ena ele daagnignu, na ig haen tutuib bau daattemnu ippunigppe doognignu oɗ medattem.

Eklisiastis 7:25

Anam, amge da doyak dabmak ena ele aokkulnu wagai mein daami; Da diig aɗinu wan imuppan keeke oh ippu godeppa, anam ba gotte amu, da amu ele dookkulnu wagai memi. Laa amu, da nau hak kobol am kaaka, da amunu diig dookkulnu hein; da Kayak dab-ii-maama hak kobol ele am kaaka, da amunu diig ele dookkulnu hemi.

Prowerb 1:3

nug attem ha, nug nuhig oiyak atognoa enaib oikkunu, nug eheɗ bemanu dabmak awa dabmak amu dim lamittak kobolppa oikkunu, nug genab tutukku hak kobol, nai doya mala hettoɗia epeɗia elele mettak kobol ele dilahnu dabmak pehettak awa dim lamatkkunu,

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Eklisiastis 8:9

Amu da keeke oh aam waappa daatte dabmeinne, da imu anidmi. Haen laala danab okkai nug ⌊hipunin haaha,⌋ laa nug waappa daatteb, ahilagppa eheɗ hattette, uug okkai nuhigppa bette.

Aisaia 55:3

⌊O dahilad danab ah,⌋ ag daulag human, da dooiɗna, ag dahilppa uɗieg! Ag bau daaglagnu amu, ag dahilppa doig! Ag anam heppeg, geha da Yawe, da Dawitnu oo mauhaknab doyen dim lamidkkulnu dahil nai ain qakkami amu, da ahilagnu oo mauhaknab amuib dim lamidkkulnu heppi, da ag ele ig nug tituanta nai qagapput, nai qakkak amuam iitta ii mema.

Eklisiastis 8:16

Amu haen da doyak dabmak ena elenu diig dookkulnu, da danab ah wanppa aɗi aɗi uɗat ii niinna henan daatteb ele anidkkulnu heinne amu,

Prowerb 24:23

Nai imu ele am danab ag doyak dabmak ena ele, ahilag nai laa. Hettoɗiakppa, laanu diig iittappa ena doya, laanu diig iittappa eheɗ doyak kobol dim lamittaknu amuam ena iitta.

Eklisiastis 12:11

Danab ag doyak dabmak ena ele, ahilag nai am ad laa aeg hawaɗ hoiyak ele danab ag amuppa makau okkai ebehi ele yaalatteg uɗat hetteb bia. Ao, ahilag nai am ad laa noobppa tutui ɠagattag ye nak ele doɗ guittak mettette gotteb bia. Ahilag nai am Kayak, Nug ig gumigtte, nuhigppanu uɗitte.

Sam 78:1

O dahilad danab, ag dahil ippunittak imunu dabmetteg! Ao, ag da aɗi nai attem amu dooglagnu ag daulag humeg!