Prowerb 22:15 - Nobonob Baibel

¹⁵ Nid naunau ag Kayak dab-ii-maama hak hetteb; amge na ag toliadna, bu madakkut dayeb, kobol amuam uma ukka daakku.

Prowerb 22:15 Referans Kwoze

Prowerb 13:24

Laa nug nid naunau nuhikkud, nug eheɗ hak ahilagnu toliatta, bu ii madatte amu, nug danab nug laanu nau ninig ele dootte, nug ahilagnu anambia hette; amge laa nug nid naunau nuhikkud dilagnu oo mauhtte amu, nug ag toliatta, bu mattak ii uutte.

Prowerb 19:18

Na bekkat tolidna bu mette! Aɗinu? Amuppa na nug ena bekkunu dabmak aɗan oikkutnu elele; na nug tolidna, bu mettak ii hekkut amu, na nug mauhkkunu ibppa mettem.

Prowerb 29:15

Tolittak, bu mettak ele he, nid nug doyak dabmak ena ele daatte; amge nid nug tolittak, bu mettak ele ii aotte amu, nug he, anig nug uɗa nak nau guittak ele aotte.

Prowerb 29:17

Na bekkat tolidna, bu medakkut amu, na oot maɗoɗ ele daakkut; nug heeb, na nuhignu enanagnab dookkut.

Epesus 2:3

Ig oh anamib anukka daamut, amu haen amuppa ig dabmak geha iikkunu aakkuib dim lamidmut. Ig beɗunig, amu ihinig dabmak ena iitta ele, aa aɗi apiɗ ig hettamut amunu, ig danab laa oh ele amuppa Kayaknu oppoɗi bak ig iqakkunu elele daattamut.

Sam 51:5

Antte! Anai menuiɗom, haen amuppa da hipunin danab daami. Ge, anai ooppa nid bekkulnu meul oum, haen amuppa da hipunin danab daami.

Jon 3:6

Danab nug beɗu bau daakkunu, amuam anig mameg dilahppa aotte, amge danab nug Kayak Bekka bekkunu amu, nug amu Kayak Ouɗi eppegppanu aotte.

Job 14:4

Danab laa nug heeb, keeke dubuttid ele eɗua, oppiak ele daakkun elelete? Iitta!

Prowerb 20:30

Ihi qaɗaietta heehe, keeke nau noa gotte; amubia danab nug eheɗ ha, nug amunu guittak awe, baula hemanu dabmak nug oo unuqagppanu noa gotte.