Prowerb 22:12 - Nobonob Baibel

¹² Yawe Nug doyak ena atognotte; amge Nug laa nug Yawe ippunittom bia Nug dim lamidkkunu uua hette amu, Nug danab amunu nai he nauhtte.

Prowerb 22:12 Referans Kwoze

2 Stori 16:9

Aɗinu? Yawe Nug aun nug Nugib dim lamidkkunu meu ohppa dabmette ele antta, nug ɠagattag medakkunu hanhan danab wanppa oitteb ele neekkadtte. Nug na ele kekeɗ eɗadkkutnu ɠagattag mettalo. Na heme am, na dabmak tutukku iittappa heme amunu, na hanhan ban anidnan daakkut,” awa aum.

2 Tesalonaika 2:8

Haen amuppa ɗo ii dim lamittak danab nug miag atieb, dimppa Naɗi Jesus, Nug geha Nug oɗeppa ouɗi iwaleb, qeeb mauhkku. Yo, Naɗi Nug nuhig amahlak naɗi ele uɗia, miag atia, amahlak amuppaib Nug ɗo tappe nak danab amu heeb nauhkku.

Aposel 5:39

Amge genab Kayak Nug keeke amu he bette amu, ag Nug ippu oo nekkulagnu am elele iitta. Ag anam hena amu, ag aakku Kayak ele ban hekkulag,” awa aum.

Prowerb 11:3

Genab tutukku hak danab ag oolagppa dabmak oiyak ele tutukkuib dayaknu kobol dootteb, ag amuppa ulum aon oitteb; amge danab ag Yawe ippuanattom bia Nug dim lamidkkulagnu uun hetteb amu, ag hambuppuak hena, padal metteb.

Prowerb 22:11

Aun nug ooppa oppiak ele daakkunu ooppa anuqak dootte, nai mattiakppa nug oo bodoette enanag maɗoɗ ele hak kobol dim lamidtte amu; nug king layag daakku.

Prowerb 22:13

⌊Nug ukka, uɗat hemanu⌋ danab bahi iittanab nug atte. “Laion laa dimittim daatte, ⌊da dimittim goppi, iweb mauhkkul⌋”; o amu iitta dayeb, nug atte. “⌊Da dimittim goppi,⌋ laa iweb mauhkkul,” awa atte.

2 King 6:9

Amge Kayaknu danab Elisa, nug Aram ag aben amuppa haen tutu dayaknu aab ⌊nakok⌋ kalaglagnu heppig amu doya, nug nai imu Israel dilag kingnu me ukkom. “Aram dilag daup ag aben da iikku ippuanidttem, ag appa haen tutu dayaknu aab ⌊nakok⌋ kalaglagnu gona hetteb amunu, ag aben amuppa gomananu dabmeig!” Elisa nug nai amu me ukkom.

Nehemaia 4:9

Ag maittak amu aoppig, amge ig ihinig Kayak unuqittatta, ig danab laala ag amun, laala tuqan kekeɗ uɗippeg anadna eppeg, ig oh ahat ban hekkunignu otiadmut.