Prowerb 22:11 - Nobonob Baibel

¹¹ Aun nug ooppa oppiak ele daakkunu ooppa anuqak dootte, nai mattiakppa nug oo bodoette enanag maɗoɗ ele hak kobol dim lamidtte amu; nug king layag daakku.

Prowerb 22:11 Referans Kwoze

Matyu 5:8

Danab aun aɗi ag oolagppa oppiak ele amu, ag itittak ena aoppig daatteb. Aɗinu? Ag Kayak anidkkulag.

Prowerb 16:13

King nug danab nug nai genab maditte, nug nuhignu ena dootte. Ao, king ag danab nug nai genab maditte, ag nuhignu dabmak ena okkai aotteb.

Prowerb 14:35

King nug maɗi nid nuhig laa, nug doyak dabmak ena ele, nug nuhignu oo enanagnab dootte; amge nug maɗi nid laa, nug uɗa nak keeke laa hette amu, nug nuhignu oppoɗi bette.

Sam 101:6

Da danab ah ag Yawenu oo metta ii uuak kobol dim lamidtteb ele, da ag ele ihinig wanppa daagnignu ag atognoadkkul. Da heppi, laa ag Kayaknu neekkakppa oolagppa kaliak laa iitta ele amu, ag da gumiɗna daaglagnu elele daaglag.

Sam 45:2

Danab laala ag iɗulag tuqak ele, amge na ag oh eɗadttem. Na nai ena, nai ubuhi ele, nai maɗoɗ ele, na nai amu oɗenppa madittem. Na anam hettem amunu, Kayak Nug tuɗid ele na itidtte.

Luk 4:22

Nug a, ag doonna, ag Nug binag menana, ag nai genab ittag ele Nug mattiom amu, ag amunu dabmak kuɗum ele aoppig. Amu ag appig, “Adekkutai? Danab umu Nug am Josep bekka iittatai?” aon appig.

Daniel 3:30

Aria, amu dimppa amu king nug he, Satrak, Mesak, amu Abetnego ele, ag Babilon prowins ooppa danab okkainab daappig.

Esta 10:3

Mordekai Juda ted, wan amu dilagnu gumak danab ba, ɠagattag okkainab ele dayaya, King Ekserksis nukka waappa dayom. Nug am Juda oolagppa danab naɗi, binag okkai ele; ag nuhignu ena doon, binag meppig. Nug danab ah nuhikkud ena daaglagnu uɗat heum, amu nug ag ehanadkkunu haenppa nai mattiom.

Sam 24:4

Amuam laa ag oolagppa oppiak ele, agib appa daaglag. Yo, amuam laa ag dottolag eppelagppa hoyadppig dilagnu dup noa binag mak kobol ii hetteb, agib appa daaglag. Ge, amuam laa ag hambuppuak nai laanu ag ahilag nai ɠagattag qena ana, ag nai amunu, “Am nai genab,” ii maditteb ele, agib appa daaglag.

Prowerb 22:12

Yawe Nug doyak ena atognotte; amge Nug laa nug Yawe ippunittom bia Nug dim lamidkkunu uua hette amu, Nug danab amunu nai he nauhtte.

Eklisiastis 10:12

Danab doyak dabmak ena ele nai maditte amu, nug oo bodoette enanag maɗoɗ ele hak kobol dim lamitta maditte amunu, nuhig nai ele am anam, am doyaknu enanag; amge danab nug Kayak dab-ii-maama ii dim lamidtte ele, nug nai mauhnoak mattiaya uug aotte.

1 King 4:5

Natan bekka Asaria nug am wan obatak gumak danab, amu dilag gumak ikki anuqak. Natan bekka Sabut, nug am mana mettak danab, amu nug ele kingnu ulum mettak danab.