Prowerb 22:1 - Nobonob Baibel

¹ Danab nug en kuɗum aotte am nau iitta me, aun laa ag nuhignu, “Nug am danab onig ena ele,” atteb, nuhignu am enanag. Ao, danab nug silwa, o gol aotte am nau iitta me, danab aun laa ag nuhignu, “Nug am danab binag ena ele,” atteb, nuhignu am enanag.

Prowerb 22:1 Referans Kwoze

Eklisiastis 7:1

Danab nug onig ena ele daatte, amuam enub okkai aɗak eɗidtte; danab anam amu, mauhaknu deɗ nuhig am nuhig menuak deɗ eɗidtte.

Luk 10:20

Amge ouɗi nau ag nai ahilag dim lamidtteb, ag amunu oolag aib gamag ahom! Iitta. Kayak Nug ag onilag hab aabppa yom, ag amunu maɗoɗppan gamag ahak doyeg!” awa aum.

1 King 1:47

Amu kingnu ehanittak anuqak danab ⌊Adonaiya ele ii goppig,⌋ ag gamalag ahom amunu, ag King Dawit nug ena heum, ag amu nug amegppa akkulagnu gumidna uɗippig. Ag uɗin, Dawit amegppa inam appig. ‘Nahip Kayak Nug Solomon, nug king ena, ɠagattag okkai metta, nug onig okkai ele metteb, na onin eɗidkkunu oonig daatte,’ appig.” Jonatan nug ag anam appig, nug amunu anana, nug nai tuɗitta aum. “King Dawit nug nuhig niiak abenppa dayaya, nug Yawe noobppa dup noa binag meum.

Pilipai 4:3

Amu Sisigos, na oo metta ii uuak kobol dim lamidttem, amu da na amenppa attem,. Na ah aɗit amu, aa Nai Ena mehuqak uɗat haknu da ehaniɗeh, ig oh heut ukkom amunu, na aa ehanatna autna awe! Ah aɗit amu aa Klemen, amu dahilad uɗat laippu laa oh ele, Kayak Nug ag oh ag onilkad buk laa, amuam buk onig Bauklel Awa Onig Yaaknu buk, Nug buk amuppa ag onilkad yom ele amu, aa ag ele Kayaknu uɗat amu ɠagattag heppig.

Aposel 7:10

Josep nug uug digdigppa dayeye, Kayak Nug amu ohppa ehanitte qagaiettakppa ii dayom. Amuam Kayak Nug doyak dabmak ena ele Josep mette, Paro, Isip dilag king, nug Josepnu oo daye, awa me Isip dilag gabman anuqak dayaya, king laugppanu keeke oh gumama, nug kingib waappa dayom.

Hibru 11:39

Ooppa genab doyak danab amu ag Kayaknu oolagppa genab doon, ag Kayak noobppa onig ena aoppig, amge ag oolagppa laa nug Kayak keeke ena madakkunu nai qakka aum amu, ag wan imuppa daappig haenppa ii aoppig.

Prowerb 10:7

Genab tutukku hak danab nug mauhkku amu, dimppa laa ag nug onigppa laa itittak ena medakku; amge nau hak danab mauheb, amu dimugppa, nug onig am beɗakku.