Prowerb 21:9 - Nobonob Baibel

⁹ Danab nug lag laih laa, enanag iitta, aguppaib daatte dayeb, amuam nau iitta; amge danab nug lag meu ohppa wau ge iitta nai hak hette ele daattep dayeb, amuam nau.

Prowerb 21:9 Referans Kwoze

Prowerb 19:13

Danab bekka laa nug Kayak dab-ii-maama ii dim lamidtte amu, nug mameg he nauhtte; amu danab wau nug nai awa ona awa doak maditte, nug am le giɗo ii daaloppa toɗotoɗoedatte bia hette.

Prowerb 25:24

Danab nug lag laih laa, enanag iitta, aguppaib daatte dayeb, amuam nau iitta; amge danab nug lag meu ohppa wau ge iitta nai hak hette ele daattep dayeb, amuam nau.

Prowerb 21:19

Atu taɗakppa dayaknu amu nau iitta; amge ah nug nai a ona, a doak ah, nug paha paha oo nauhtte, nug ele dayaknu amu, amuam nau.

Prowerb 12:4

Danab wau nug ah diig ena daatte dayeb, nug gamu haɗ bia aakku daatte; amge ah nug gamu uɗa nak nau guittak ele medatte amu, kobol amuppa nug gamunu ɠagattag he nauhtte.

Prowerb 15:17

Aɗit laa aa keh gehiak aakkuib lakkulah dayeb, me aa oolahppa oo mauhak kobol daatte amu, amuam ena; amge aɗit laa aa teppu enanag lakkulah dayeb, me aa oolahppa layagnu nau ninig ele doyak daatte dayeb, amuam ena iitta.

Prowerb 17:1

Lag laappa maɗoɗ dayeye, danab nug bret maha qaɗaiettomib latte, me nug maɗoɗppa daatte amunu, nuhignu am ena; amge lag laappa nug qak dayeye, danab nug ee hobul naɗi latte, me nug, nug qakppa daatte amunu, nuhignu am ena iitta.

Prowerb 21:8

Danab ag beɗulagppa aab ele, ag kobol hambuppuak dim lamidna oitteb; amge danab ag eheɗ laa ii heppig ele, ag genab tutukku hak kobol dim lamidna oitteb.

Prowerb 21:10

Nau hak danab nug eheɗ hekkunu oo huana daatte; nug mudippan laippu laanu iinab oo gai-iitta doya oo metta ehanidtte.