Prowerb 21:8 - Nobonob Baibel

⁸ Danab ag beɗulagppa aab ele, ag kobol hambuppuak dim lamidna oitteb; amge danab ag eheɗ laa ii heppig ele, ag genab tutukku hak kobol dim lamidna oitteb.

Prowerb 21:8 Referans Kwoze

Prowerb 2:15

Ib ag oittebppa am kaliak, am tutukku iitta. Ao, ahilag hak unuqagppa amu, appa kaliak daatte, am tutukku iitta.

1 Jon 3:3

Am danab ah ag Kristus anidna, Nug daatte bia daaglagnu dabmak aɗan oitteb ele, ag Kristus Nug oppiak daatte, ag amubia oppiak daaglagnu hetteb.

1 Jon 2:29

Ag Kristus Nug genab tutukku hak danab daatte dootteb amunu, ag imu ele doyeg! Danab ag genab tutukku hak kobolppa oitteb amu, ag aakku Kayak bekka daatte.

Taitus 3:5

Nug ig eɗua awikkom. Ig ihinig genab tutukku hak kobol hemutnu laala anatta ii heum. Iitta. Nug ihinignu oo gai-iitta doya oo mekka ehanikkom amunu, Nug ig ihikka, nuhig Ouɗippa Nug bauklel mekke, ig bau menuak aomut.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

Taitus 1:15

Am danab ag oolag dubuttid iitta ele amu, ahilagnu keeke oh am oppiaawak ele daatte, amge danab ag dubuttid ele, ag oolagppa genab ii dootteb ele amu, ahilagnu keeke oh am oppiaawak iitta. Ahilag dabmakppa, ahilag ooppan oiyak ippunittaknu ulum eleppa dubuttid aakku teum daatte.

1 Korint 3:3

Aɗinu? Ag dabmak alagppa daatteb. Kristen kobol amu ag beɗulagppa ii beum. Ag lailkad dilagnu, ihinigppa anam daalon dabmak aɗan daatteb, ag nug mehqak henan daatteb ele amunu, ig ag kobol alagppa, Kristen kobol iittappa daatteb anidkkunignu elele. Kobol amuam dabmak alagnu, wanppan danab dilag kobol.

Aposel 15:9

Nug ihinigppa kobol laa haaha, ahilagppa kobol laa ii heum. Iitta. Ag oolagppa genab doyeg, ahilag ooppa genab doyak amuppa Nug he, ag oolag oppiak dayom.

Matyu 12:33

Ana amu Nug baula aum. “Ad ena nug meu ena otte, amu ad nau nug meu nau otte. Danab ag nuhig meuppa ad anidna dootteb.

Matyu 5:8

Danab aun aɗi ag oolagppa oppiak ele amu, ag itittak ena aoppig daatteb. Aɗinu? Ag Kayak anidkkulag.

Daniel 12:10

Laa kuɗum Kayak Nug uug bekkulagppa heeb, ag oppiaawak, dubuttid iitta, ahilagppa eheɗ nakok laa ii daama, ag anam daaglag. Ag enanag anam daaglag, amge nau hak danab ag tuɗidna, nau hekkulag. Nau hak danab ag ⌊nai amunu meu, Kayaknu hak ele⌋ diignu doyak tutukku ii aomna, amge danab ah doyak dabmak ena ele, ag diignu doyak tutukku aoglag.

Eklisiastis 9:3

Amuam aam waappan eheɗ aakku. Danab oh ag ib laippuppa gotteb. Keeke laa am, danab ag bau daatteb amu, eheɗ hak kobol ahilagppa ambak daye, Kayak dab-ii-maama hak okkai kobol ele ahilagppa daatte. Ag anam oinna, ag mauhna, mauhak abenppa ukkaeg, mauhppig ele daatteb.

Eklisiastis 7:29

Imuib da mattie antten malami. Kayak Nug danab he, ag genab tutukku hak danab daappig; amge danab ag dabmak nau kuɗum dim lamidna, gemu ag eheɗ oitteb,” awe attem.

Prowerb 30:12

Laa amu, ag akka, ag ahilagnu, ag oolagppa oppiak ele daatteb dabmetteb; amge ag ihak iitta, ag dubuttid nau ele.

Prowerb 15:26

Yawe Nug nau hak danab dilag dabmaknu ooppa uuaknab dootte; amge Nug danab oo oppiak ele dilag dabmaknu ooppa ena dootte.

Genesis 6:12

Danab ah ag kobol nau uɗig wak ele henan daappig amunu, Kayak Nug neekkakka, Nug danab oh ag akka ahilag dabmak dim lamidnana, kobol nau uɗig wak eleib heegeg anttom.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Prowerb 21:9

Danab nug lag laih laa, enanag iitta, aguppaib daatte dayeb, amuam nau iitta; amge danab nug lag meu ohppa wau ge iitta nai hak hette ele daattep dayeb, amuam nau.

Aisaia 26:7

Ib genab tutukku hak danab ah dim lamidtteb ele, ib amuam tak nak okkai, o tak nak naunau laa iitta. O Yawe, na haen oh kobol genab tutukkuib hettem amu, na genab tutukku hak danab ah dilag ib ena babaittette, tak nak laa ii dayeye, ag amuppa oitteb.

Aisaia 59:8

Ag laa ele, maɗoɗ ele daaglagnu oolag ii maidtte. Ag aɗi aɗi hetteb ele amu, ag amu henana, ag nai doya mala hettoɗia epeɗia elele mettak kobol iinab dim lamidtteb. Ag ib kaliak ele aon oitteb. Auntai nug ag ele oitteb amu, nug maɗoɗ nakoknab laa iinab anidmana.