Prowerb 21:5 - Nobonob Baibel

⁵ Danab nug yagbak doya uɗat haaha, maittak tutukku awowa, nug keekenu elelenab daakku; amge danab nug maittak tutukku ii awowa, keeke paha paha hette amu, nug daɗek daakku.

Prowerb 21:5 Referans Kwoze

Prowerb 10:4

Am na bahin iitta daan, uɗat ii hekkut dayeb, na daɗek daakkut; amge na yagbak doon uɗat hekkut dayeb, na keeke ele daakkut.

Prowerb 13:4

Danab bahi iittanab ele nug keeke aokkunu dabmak okkai aotte, me nug aɗitai laa ii aotte; amge danab nug yagbak doya uɗat hette, nug keeke oh oo hette ele, nug elele aotte.

Epesus 4:28

Yabhok danab nug baula yabhok hekkunu aib heum. Iitta. Nug uɗat haɗ! Nug amuppa nuhig keeke awa, nug danab aun laa ag keekenu daɗek ele amu, nug ag madakkunu, nug eppegppa uɗat ha, keeke ele dayaɗ!

Prowerb 14:29

Danab oo maɗoɗ ele dayak kobol dim lamidtte ele, nug am diignu doyak tutukku okkai ele daatte; amge danab nug oppoɗi bak paha dootte ele, nug am Kayak dab-ii-maama hak kobol dim lamitta oitte.

Prowerb 28:22

Danab nug, nug ehanittak uua, nukka nuhignuib dabmette, nug enub okkai aokkunu hik qette; amge nug ii dootte, uma iitta nug daɗek daakku.

Prowerb 20:21

Laa nug nid bau dayaya, kalu mettak iitta haenppa mameg eppegppa aug aokku dayeb amu; gog takppa aug amu nug ii ehanidma.

Prowerb 19:2

Doyak ena iitta eleppa keeke laa haknu yag-nab-bak doyak am ena iitta; o iitta, dab-ii-menana, keeke paha henana, ib apiɗittak, amu ele ena iitta.

Prowerb 29:20

Danab nug Kayak dab-ii-maama ii dim lamidtte, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug tatam ii dabmewowa nai maditte amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.