Prowerb 21:4 - Nobonob Baibel

⁴ Dada ha laa eɗittaknu dabmak awak, dada hak kobol ele; nau hak danab ag amu henana, ag aakku hipunin hetteb.

Prowerb 21:4 Referans Kwoze

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”

Prowerb 6:17

Keeke eblaih aɗit ele amuam inam: dada ha laa eɗittaknu dabmak awak kobol, nai hambuppuak mattiak kobol, danab ah eheɗ laa ii heeg, laa hamu aqe mauhak kobol,

Aisaia 2:17

Am haen amuppa Yawe Nug beɗuppa tak danab tabatteb nona, uɗalag nekku. Ao, haen amuppa Yawe Nug dada danab ah onilag qeeb nekku. Nigul oh danab ag binalag metteb amu, ag oh iitta mekkulag. Yawe Nugib haen amuppa onig okkai, binag ele daakku.

Prowerb 8:13

Aun laa nug Yawenu ebehi oh bodoetta le mette amu, nug eheɗ haknu kobolnu nau ninig ele dootte. Da, Doyak Dabmak Ena Ele, da dada kobol, beɗuppa tak kobol, eheɗ hak kobol, amu nai eheɗ tutukku iitta mattiak ele, da kobol amu ohnu nau ninig ele doottem.

Rom 14:23

Amge danab nug ee laanu, “Kayak Nug da ee imu lakkulnu aib atte doottem,” akku, me nug latte amu, nug aakku he, nuhig ooppan oiyak ippunittaknu ulum nug ooppa guittak medatte. Aɗinu? Nug Kayaknu neekkakppa keeke amu hekkunu am elele ooppa genab ii dootte. Amu aɗitai keeke danab nug Kayak nug amu hekkunu elele dootte ooppa genab ii dootte, nug hekku dayeb amu nug aakku hipunin hette.

Luk 18:14

Jesus Nug nai amu mattiowa, Nug baula amelagppa aum. “Da ag amelagppa attem, Kayak he, takis awak danab nug genab tutukku hak danab daye, eɗua laugppa ukkom, amge danab laa nug am anam iitta. Amunu laa nug onig humatte amu, Kayak Nug heeb danab amu nug onig nekku, amge danab nug onig qe nette amu, Kayak Nug danab amu nug onig humakku,” awa aum.

Aisaia 3:16

Am Yawe Nug atte. “Sion ah ag am dada ha, laa eɗittaknu dabmak awaknu ah daan oitteb. Ag anam daan oinna, laa ag neegna anadkkulagnu henana, amelagppa danab laala ag ele oiglagnu eeɗadnana, baeg gogppa oiyak henana, baelagppa bala oqotti okkunu metteb amunu, ⌊da ag bu madakkul,” awa atte⌋.

Prowerb 21:27

Nau hak danab ag doɗ manan, Kayak mettaglagnu heegeg anatta, Nug ooppa uuaknab dootte. Nug amunu uuaknab dootte amunu, genabnab genab ag ɗo hamuib dim lamidna, eheɗ hekkulagnu dabmena, mana mettak hekkulag amu, Nug amunu ooppa uuaknab okkai dootte.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Sam 10:4

Am nau hak danab, ag dada kobol dim lamidtteb amu, ag Kayak anidna dim lamidkkulagnu Nug ii maditteb. Ag, “Kayak laa ii daatte,” anana, ag anam hetteb.

Aisaia 2:11

Amu Yawe Nug anam uɗia, Nug beɗuppa tak danab oh onilag qeeb nekku. Nug heeb, dada danab ag nena qekkulag. Yawe Nugib haen amuppa onig okkai, binag ele daakku.

Prowerb 30:13

Ag amu, ag am danab ag dada hena laa eɗattaknu dabmak aon dabmena autnanab aotteb; ag danab laanu, ‘I oonihppa, na am elele iitta,’ ag anamnab dootteb.

Luk 11:34

Na amen amu na beɗun laih laih oh amahlak madatte. Na amen nug ena dayeb amu, na beɗun laih laih laa oh amu amahlak ele daaglag, amge na amen am nau dayeb, na beɗun laih laih laa oh amu gatatu manak ooppa daaglag.

Prowerb 24:20

Aɗinu? Eheɗ hak danab ag butti aɗi ena bekkulagnu dabmak aɗan oiglagnu ib laa iitta. Ao, nau hak danab ag danab nug lam he qauhtte, ag anambia qauhak daaglag.

Job 18:5

Danab laa nug lamnu ewak iwale qauhtte, amubia nau hak danab nug iitta mette. Ao, laa lam qauhe ii eotte, amubia nau hak danab nug iitta mette.

Job 18:6

Nug laugppa amahlak ii daatte. Ao, nau hak danabnu lam ii eotte.

Sam 101:5

⌊Da am king⌋. Da heppi, aun laa nug nai nau nuhig mudippan layag onig heeb nauhkkunu atte amu, nug baula ii hema. Da laa ag dada hena laa eɗittaknu dabmak aotteb, ag dada kobol laala ele hetteb amu, da hadappi, ag kobol amu tuɗidna ii hemana.

Sam 131:1

O Yawe, da oolppa da dada hak danab ag akka ahilagnu attem attem dabmetteb amu, da amubia dahilnu ii dabmettem. Ao, da laa neekkatten, da dada hein laa amu eɗattaknu dabmak ii aottem. Da keeke okkai okkai, da keeke amunu dab-ii-mettem. Ao, keeke dabmak dahil eɗidtte, da keeke amunu dab-ii-mettem.

Prowerb 6:16

Am keeke eblaih laippu ele, Yawe Nug amunu nau ninig ele dootte. Ge, Yawe Nug keeke eblaih aɗit elenu ooppa uuaknab dootte.

Aisaia 10:12

Anam amunu, am inam bekku. Asiria dilag king nug dada danabnab daya haaha, nug ele beɗuppa tak kobol dim lamittatta, nai maditte amunu, Naɗi Nug heeb, Asiria dilag king nug keeke oh Sion qaukoppa Jerusalem appa hekkunu Naɗi Nug ana, nug eppegppa meum ele amu, nug amu oh ha maleb, dimppa geha Naɗi Nug dada ha laa eɗittaknu dabmak awak hak kobol nuhignu, beɗuppa tak kobol nuhignu ele, Nug diig amunu bu medakku.