Prowerb 21:31 - Nobonob Baibel

³¹ Danab ag hosppa daanna ban hetteb ele, ag hos banppa gokkulagnu bappaladtteb; amge ban eɗittaknu, amuam Yawe, nuhigppaib daatte.

Prowerb 21:31 Referans Kwoze

Sam 20:7

Aabaab laa ag ena ɠagattag daaglagnu ag ahilkad ban daup, amu bannu keeke elenu oolagppa genab dootteb, amge ig amu, ig Yawe, ihinig Kayak, ig nuhignu oonigppa genab doottem.

Aisaia 31:1

Aun aɗi ag Isip appanu ehanittak aoglagnu dabmetteb amu, ahilagnu am gadonnab gadon. Ag bannu hosppa ⌊Isipnu⌋ ehanittak aoglagnu dabmetteb. Ag Isip dilag daup bannu karis kuɗum eleppa daan, ban hetteb doon amunu, bannu karis amuppa ehanittak aoglagnu oolagppa genab dootteb. Ao, ag Isipnu ban danab kuɗumnab hos attan daan oin, ban hetteb doon amunu, ahilagppa ehanittak aoglagnu oolagppa genab dootteb. Ag anam dabmetteb, amge ag Israel dilag Kayak Oppiaawak Ele, ag nuhig dabmak aoglagnu oɗ ii medatteb. Ao, ag Yawenu, ag ehanittak nuhigppanu aoglagnu ii dabmetteb. Ag anam hetteb amunu, ahilagnu gadonnab gadon.

Sam 147:10

Hos ag ɠagattag ele, amge Yawe Nug amunu gamag ahak ii dootte. Danab ag ele ɠagattag ele, amge Yawe Nug danab dilagnu enanagnab ii dootte.

Sam 68:20

Kayak ihinig, Nug am Kayak, ig padal makppanu eɗua awigtte ele! Ao, Naɗi Yawe Nug ig ehanikke, ig ii mauhttem.

Sam 3:3

Amge na, O Yawe, na am dahil guppiɗ daattem. Na binag amahlak oppiaawak ele meɗana, ɠagattag ele da meɗattem.

Sam 3:8

O Yawe, na ig ehanikke, ig kekeɗ ihinkad eɗadttem. Na nahipad danab ah itadkkutnu oɗ medattem. Sila.

Eklisiastis 9:11

Da keeke laa aam waappa bette anidmi. Amuam danab nug huana qaiedatte ele amu, nug hanhan resis haenppa laa oh ii eɗadtte; ele amu, danab nug ɠagattag ele, nug haen oh ban ii eɗidtte. Laa amu, danab nug doyak dabmak ena ele, nug hanhan ee elele ele ii daatte; ele amu, danab nug pahanab dabmak aokkunu elele amu, nug hanhan enub ele ii daatte; laa ele amu, danab nug sul okkai heum ele, nug laa oh dilag neekkakppa hanhan ena ii daatte. Amunu diig am, kobol digdig danab oh dilagppa deɗ laala laippun bette, ahilagppa ele bette.

Sam 144:10

Da amu hekkulnu diig am, na hee, king ag ban eɗidtteb! Da am nahip maɗi nid Dawit, am naib, na da ehaniɗe, kekeɗ ag qep elabppa danab ah aqaeg mauhtteb ele, ag qep amuppa ii iweg mauhmi.

Jeremaia 3:23

Anukka ig qauko nakok igippa kayak hambuppuak noolagppa dup nota binalag metata, muttub ele qemut, amge amu oh am ii ehanikkom. Yawe, Nug ig Israel, ihinig Kayak, Nugib ehanikkeb, ig padal ii memata.

1 Korint 15:57

Amge ig Kayak amegppa, “Ena heme,” aot akkunig! Ihinig Naɗi Jesus Kristus, nuhig ɠagattagppa, Kayak Nug ɠagattag amu mekke, ig ban eɗidttem.

2 Samuel 23:12

Amge Sama nug dad okkai amu gamagppa dayaya, Pilistia ag aomnanu ban haaha, Pilistia aqe mauhppig. Yawe ehanitte, nug aqe mauhppig amunu, nug eppegppa Yawe Nug Israel ehanittak okkai mattom.

Sam 20:8

Aabaab amu ag gatelag qaun ona daan, ag geha nena qena autnanab aoglag, amge ig am ahat, alet anam hippaitta daagnig.” Laa nug anam aum.