Prowerb 21:30 - Nobonob Baibel

³⁰ Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

Prowerb 21:30 Referans Kwoze

Aposel 5:39

Amge genab Kayak Nug keeke amu he bette amu, ag Nug ippu oo nekkulagnu am elele iitta. Ag anam hena amu, ag aakku Kayak ele ban hekkulag,” awa aum.

Prowerb 19:21

Danab ag keeke laala haknu maittak digdig kuɗum aotteb; amge Yawe Nug aɗi bekkunu oo daatte ele amu, gog takppa amuib aakku bette.

Jeremaia 9:23

Amu Yawe Nug atte. “Danab nug doyak dabmak ena ele, nug doyak dabmak ena ele amunu dabmaama, nug nukka nug onig aib humom. Danab nug beɗuppa ɠagattag ele, nug ɠagattag amunu dabmaama, nug nukka nug onig aib humom. Danab nug enub okkai ele, nug en amunu dabmaama, nug nukka nug onig aib humom.

Aisaia 14:27

⌊Yawe Nug amu genab hekku.⌋ Aɗinu? Yawe Nukka Ɠagattag Oh Ele, Nug keeke hekkunu maittak awa, ɠagattag qettom dayeb amu, aun nug heeb, geha Nug keeke hekkunu dabmette amu ii bema? Ao, Nug eppeg bahiom daatte dayeb amu, aun nug heeb, Nug eppeg eɗua aokku?

1 Pita 2:8

Aria Kayak nai amunu laa am, “Men amuam men laa danab ippulagppa dayeye, danab ag men amuppa baelag qena, nena qetteb bia daatte. Ao, am men laa he, danab ag nena qetteb bia daatte.” Aɗinu ag baelag qetteb? Ag Nai Ena oolagppa genab ii dootteb. Ag oolagppa genab ii dootteb amunu, ag nena qekkulagnuib daatteb.

Jona 1:13

Jona nug anam aum, amge uub gumak danab ag langppa eeɗkkulagnu wagai meppig. Ag anam heppig, amge ulah tuɗitta, naɗi naunab heum amunu, ag langppa eeɗkkulagnu elele iitta.

Aposel 5:38

Ig amu anam anidmut amunu, da ag amelagppa attem. Ag danab aɗalatteg daatteb umu amu, ag uuadppeg dayeg! Uuppeg, ag daanna hebeppeg, keeke amu diig am danabnu dayeb amu, geha na qeeb, iitta mekku.

Eklisiastis 6:10

Aɗi keeke daatte amu, keeke amu oh am onilkad ataɗattak daatteb; amu danab ag attem daatteb am miag atia dayom. Kayak Nug ɠagattag oh ele, amu laa Nug ele nai apeɗ ona, apeɗ dokkunu elele iitta.

Aisaia 45:9

Danab nug laa nug heittom ele, nug nuhignu nai hette amu, danab amunu am gadonnab gadon. Ao, danab ag waa aoɗak qatti laa, ag amubia aakkuib daatteb, amu danab nug laa nug heittom ele nuhignu nai hette ele amu, nug waa aoɗak qatti kuɗum oolagppa bia daatte aakkuib amunu, nuhignu am gadonnab gadon. Waanu lekkoh nug aha, nug waa keeke hak danab amegppa, ‘Na aɗi hekkutnu hettem,’ attete? O waa nug aha, ‘Laa heiɗtte ele amu, nug eppeg iitta,’ attete?

Josua 2:2

⌊Amge danab laa doyata,⌋ Jerikonu king amegppa aum. “Antte! Israel danab aɗit laa tueb imu ippa uɗipiɗ. Aa ihinig wan lokkumakppa italakkulahnu uɗipiɗ,” awa aum.

2 Samuel 11:9

Uraia nug Dawitnu lag enanagnab, appanu aha ukkom, amge nug laugppa ii ukkom. Iitta. Nug Dawit laug odppa, Dawitnu gumak danab niippigppa, appa niiom.

1 King 14:6

Yawe anam Ahaiya amegppa aum amunu, haen Jeroboam wau nug ukka, lag od guguittette, Ahaiya baeg oqotti doyeye, nug wana odppanab waawo, Ahaiya nug aum. “Jeroboam wau, lag ooppa ne! Aɗinu na ippu hak anam hettem? Yawe Nug da nai laa appi dookkutnu meɗom, amge amuam nai ena iitta.

2 King 6:12

Nug anam oɗ matte amu, nuhig ban daup ikki laa nug inam amegppa aum. “O king, ihinig naɗi, ig ihinig huuppan danab laa ii hette. Iitta. Israel dilag propet Elisa, nugib aakku hette. Keeke aɗi aɗi ig hekkunignu hettem amu, nug Israel dilag king amegppa atte. Nai oh na madittem amu, Elisa nug dootte. Na nahip niiak abenppa daanna nai madittem amu, Elisa nug doya, Israel dilag king amegppa atte,” awa aum.

Job 41:2

Na nug noob atulna, muɗi amuppa qakkan heppe, laih laih gokkute? O iitta, na huk naɗi aon, nug hippegppa yaan, amuppa ulum medakkute?

Aisaia 36:5

Na, da ban hekkulnu maittak ena aomi, daup dahil ele am ɠagattag ele, dabmettem, amge amuam dabmak meu iitta; am dabmak hambuppuak. Na aunnu dabmettem amunu, na da waalppa daakkutnu uun, dahil nai tappae ne oittem?