Prowerb 21:29 - Nobonob Baibel

²⁹ Nau hak danab ag oɗe dim lamidmananu, ag ahilag dabmak am ɠagattag eppak daatte; amge genab tutukku hak danab ag aɗi hetteb amu, ag dabmettan autna aotteb.

Prowerb 21:29 Referans Kwoze

Prowerb 11:5

Kayaknu neekkakppa danab ooppa kaliak laa iitta ele amu, genab tutukku hak kobol nuhig he, nug ib enappa oitte; amge nau hak danab ag nau heeg, kobol amu he, ag nauhtteb.

1 Tesalonaika 3:11

Ge, ig Mamenig Kayak, Naɗi Jesus Kristus ele aa omaigpeɗ, ahilagppa gokkunignu oonig daatte.

Hagai 1:7

Amu Yawe Nukka Ɠagattag Oh Ele Nug inam atte. “Ag ahilag hak amunu pehettan dabmetteg!

Esekiel 18:28

Nug hipunin heum, nug amu oh dabmetta, uua dimedatte, diig amunu nug bau daakku. Nug ii mauhma.

Jeremaia 5:3

Yawe Nug anam a amu, da Nug amegppa ami. “O Yawe, na danab aun aɗi ag doyak diig genabib dim lamidkkulagnu hetteb ele, na danab ah amubia mattiadttem, ⌊amge nahip danab ah ag amubia ii hetteb⌋. Na bu mattame, amge ag eheɗ heppignu oolagppa guittak ii dooppig. Na oɗoɗadme, amge ag bu mattak nahip amu ii dabmena, oolag eɗukkunu uuppig. Ag heeg, ag na oɗen dim lamidmananu dabmak ahilag ɠagattag eppom. Ag oolag eɗukkunu uun, iinab heppig,” awe ami.

Prowerb 28:14

Danab aun nug hanhan Yawenu ebehi oh bodoetta le mette, nug itittak ena awom daatte; amge aun nug kobol ena hemanu dabmak nuhig ɠagattag ebatte, nug am uugppa notte.

Sam 119:59

Da attem hein oittemnu dabmemi. Ao, da nahip ɗo dim lamidkkulnu ool eɗuom.

Sam 119:5

O Yawe, da haen oh nahip ɗo dim lamidkkulnu ool okkai daatte. Ao, da amu hekkulnu ool okkainab daatte. Da keeke laa hekkulnu ool hette ele amu, da amunu ool nakokib hette.

Hagai 2:15

Amu gemu, butti aɗi ele ag imu dabmettan autna aweg! Ag ii digmena, Yawenu mettid lag heppig amu, ag attem attem daappig dabmenan dayeg!

Jeremaia 8:12

Ag naunab nau hetteb amunu, ag uɗalag nettete? Iitta! Ag uɗa nak nakoknab laa ii dootteb. Ag uɗa nak kobol hetteb, amge ag amelag kokoɗ iinab ebatte. Ag anam hetteb amunu, ib laa ii daatte. Ag laa qep elabppa mauhtteb bia, ag ele mauhkkulag. Ahilag bu awak haenppa, ag nena qekkulag.’ ” Yawe Nug anam awa atte.

Prowerb 29:1

Danab nug oo eɗukkunu daug batak kuɗum awawa, hamu bia doyaya, nug oo eɗumanu dabmak nuhig ɠagattag eppe oitte, nug guittak okkai awa nauhkku; nauhaknu aɗi keeke bette amu, baoliaknu ib laa iitta.

Hagai 1:5

Hagai nug nai amu ag matte, dimppa nug nai imu ele mattom. Yawe Nukka Ɠagattag Oh Ele Nug atte. “Ag ahilag haknu pehettan dabmetteg!

Prowerb 7:13

Nug anam aakku hette, amge tueb laa da laulnu gililppa ulah ibuppa ukken, neekki ukke anidmi amu, ah amu nug nid bau doyak dabmak ena ele iitta antta, nug nugatoppa ukka aɗa, ootuqittatta, uɗa nak iitta ele amegppa aum.

Eklisiastis 8:1

Aun nug danab doyak dabmak ena ele bia daatte? Ge, aun nug keeke ohnu diig ab doognignu elele? Danab nug doyak dabmak ena ele, nug iɗuppa amahlak bia daatte. Ao, doyak dabmak ena ele he, danab iɗu am danab ɠagattag neegtte bia ii daatte.

Prowerb 4:25

Haen oh na noomppanab neegnana, kobol tutukku neekkitte! Ao, na gottemppaib neegnana, kobol enaib neekkitte!

Prowerb 4:26

Heppe, na ippun tutukkuib dayaɗ! Ao, na ib ɠagattag daatte, amuppaib oiye!