Prowerb 21:25 - Nobonob Baibel

²⁵ Danab bahi iittanab nug niikkunu oo huana hette amunu, nug padal mekku; amunu diig am, nug uɗat hekkunu uua hette.

Prowerb 21:25 Referans Kwoze

Prowerb 13:4

Danab bahi iittanab ele nug keeke aokkunu dabmak okkai aotte, me nug aɗitai laa ii aotte; amge danab nug yagbak doya uɗat hette, nug keeke oh oo hette ele, nug elele aotte.

Prowerb 12:24

Danab ag yagbak doon uɗat hetteb ele, ag am anuqak danab daaglag; amge danab ag bahilkad iitta ele, ag am begbeg maɗi nid daaglag.

Matyu 25:26

Nug anam a amu danab okkai nuhig aum. ‘Na maɗi nid nau, na bahin iitta! Na da ii eppamippa, ee aeg ii tauɗmippa ele meu aottem genabte doome?

Prowerb 26:16

Danab bahi iittanab nug, “Da doyak dabmak ena ele aɗe oittem,” nug anam dootte; amu nuhig dabmakppa nug oɗmaknu nai nob mettenu amu, nuhig nob mak amu danab eblaih aɗit ele, ag laan neekkakppa, dabmak eheɗ laa ii aomanu kobol dim lamidtteb ele amu, nug nuhig dabmakppa nuhig oɗmaknu nob am ahilag oh eɗidtte.

Prowerb 19:24

Danab nug bahi iittanab, nug nuhig ee huɗubppa yaatte; amge nug bahi iittanab amunu, nug huma awa, oɗeppa nakok laa iinab inama!

Prowerb 15:19

Danab bahi iittanab ele amu, nuhig bau dayaknu oiyak am, laa nug ib uud keeke qaun eleppa keldoak dayeye akkula gotte, amubia nug uug kuɗum anidtte; amge genab tutukku hak danab nug ib enanagppa gotte.

Prowerb 12:27

Danab bahi iitta ele nug doɗ laa lakkunu ii aotte; amge danab nug nuhig uɗat hekkunu yagbak doya uɗat hette amu, nug nuhig keekeppa ehanittak aotte.

Prowerb 20:4

Danab bahi iittanab ele nug haenppanab dad uɗat ii hette; amunu ee meu awak haenppa, nug ee meu laa ii anidtte.

Prowerb 26:13

⌊Nug ukka, uɗat hemanu⌋ danab bahi iittanab nug, “Laion nau laa dimittim ibppa daatte, da dimittim goppi, iweb mauhkkul,” awa atte. Ao, danab bahi iittanab nug, “Laion naunab laa dimittim ib manppa oitte, ⌊da dimittim goppi, iweb mauhkul,⌋” awa atte.

Prowerb 22:13

⌊Nug ukka, uɗat hemanu⌋ danab bahi iittanab nug atte. “Laion laa dimittim daatte, ⌊da dimittim goppi, iweb mauhkkul⌋”; o amu iitta dayeb, nug atte. “⌊Da dimittim goppi,⌋ laa iweb mauhkkul,” awa atte.

Josua 7:3

Ag gona, amu hewona, haen ag eɗun uɗina amu, ag Josua amegppa appig, “Aab amuam nagnag amunu, danab ebqak 2,000, o 3,000, keeke anam gota hepput nauhkkunu elele. Ig ohnab appa gokkunignu ii daatte,” aon appig.