Prowerb 21:20 - Nobonob Baibel

²⁰ Danab doyak dabmak ena ele, ag ee ena keeke ag laulagppa meeg daatte; amge danab nug Kayak dab-ii-maama ii dim lamidtte ele, nug ee keeke nug aotte ele, nug paha he iitta mette.

Prowerb 21:20 Referans Kwoze

Sam 112:3

Danab nug Yawenu ebehi oh bodoetta le mette ele, nug laugppa en, keeke ena ena ele daatteb. Ao, anam amu, nuhig genab tutukku hak kobol am hanhan alet daatte.

Eklisiastis 5:19

Laa ele amu, haen Kayak Nug danab laa en keeke metta, Nug he, danab amu nug keeke amuppa gamag ahak aokkunu elele daatte, Nug he, danab amu nug nuhig wanppan oiyaknu elele dootte, Nug he, danab amu nug nuhig uɗat hekkunu ele gamag ahak dootte amu, amu oh am Kayak eppegppanu, danab amu, nuhig daakkunu keeke laa aakku.

Eklisiastis 7:11

Danab nug mameg eppegppanu aug keeke aotte amu, nug keeke ena aotte. Doyak dabmak ena am ele aug bia; danab aun aɗi ag bau daan, doyak dabmak ena ele aotteb amu, ag amuppa ehanittak aotteb.

Prowerb 15:6

Genab tutukku hak danab laugppa en okkai daatte; amge nau hak danab ag kobol nau hetteb amunu, hak amunu noob am, ag uug anidtteb.

Prowerb 10:22

Yawenu itittak ena he, danab nug elelenab daatte; amuppa uug laa ii daatte.

Luk 16:1

Aria, Jesus Nug nuhikkud ippunittak awak danab amelagppa mattia aum. “Enub danab laa nug dayaya, nug maɗi nid laa nuhig keeke oh gumakkunu tituane dayom. Am danab laa ag enub danab amu gumidna uɗin, uɗat gumak danab nuhig amu beɗuppa nai inam yaan appig. ‘Nahip uɗat gumak danab nug nahip keeke hamu kakidtte,’ aon appig.

Luk 15:14

Amu nug nuhig keeke oh akke ukka male, dimppa wan amuppa enug haen naɗi beum, ge nug keeke laa iitta.

Sam 23:5

Na ee okkai da lakkulnu dahil kekeɗ amelagppa hena, ⌊da ee okkai amuppa daakkulnu na oot okkai daatte miag atiak daakkunu,⌋ na goɗen muttuɗig enanag ele da ikkilppa gokkaɗttem. Na hee, keeke ena ena kap dahilppa ambak dayeye, laa gokkaɗa nette.

Luk 6:45

Am danab ena, nug ooppa dabmak ena kuɗum niitte, amuppa nug kobol ena he bette, amge eheɗ hak danab nug ooppa dabmak eheɗ kuɗum niitte, amuppa nug kobol eheɗ he bette. Aɗinu? Danab nug ooppa aɗi dabmak ambak niitte, amuib amu oɗeppa ele maditte.

Matyu 25:8

Bappaidna amu, ah makkun dabmak iitta ele ag ah makkun doyak dabmak ena ele amelagppa appig. ‘Ag lamnu le ahilag amu, ig laa mekkeg! Aɗinu? Ig ihinig amahlaknu le iitta meeme, lam qauhkkulagnu hetteb,’ aon appig.

Jeremaia 41:8

Amge danab uɗippig ele oolagppanu danab eblaih laih ele ag Ismael amegppa appig. “Aib iqappeg mauhmut! Aɗinu? Ig wit aeg, bali aeg, olip goɗen am uppuh leppu ele aab dimittim, aben laappa lokkummut daatte ⌊amunu na ii iqakkut dayeb, ig na mettagnig⌋,” aon appig. Ag anam aeg, nug laa oh aqappig, amge nug danab eblaih laih ele amu ii aqom.

Eklisiastis 10:19

Hobulppa amu, imak daatte; wain he, laa latte amu, nug nuhig dayaknu am enanag dootte, amge laa nug men doɗo ele, nug amu hekku.

Job 20:18

Nug aɗi keeke aokkunu wagai ma haaha awom ele amu, nug amuppa gamag ahak ii aoma. Ge, nuhig uɗatppa en awom amu, nug uɗat amunu meuppa maɗoɗppan gamag ahak nakok laa ii aoma. Iitta.

Job 20:15

Danab amu nug danab ee laawo, oo gahag be bahe gotte, amubia nug en okkai okkai ib eheɗppa awom ele buɗieb ukkeb, laa aoglag. Ao, Kayak heeb, nug en okkai ib eheɗppa awom ele buɗieb ukkeb, laa ag aoglag.

Prowerb 8:21

Da laa ag dahilnu oolag mauhtte ele, da en okkai madattem; da hei, ahilag en maknu oo anen anen am ambetteb.

Prowerb 14:24

Danab doyak dabmak ena ele, doyak dabmak ena ele amuam ahilag en, amu ahilag en amu, am ahilkad igippan haɗ bia daatte; amge danab ag Kayak dab-ii-mettan ii dim lamidtteb ele ag Kayak dab-ii-maama hak henana, ag kobol amuib tuɗidna hetteb.

Prowerb 22:4

Danab nug nukka onig qe nette, nug Yawenu ebehi oh bodoetta le mak ele dootte amu; nug en, binag, bau dayak ele aokkunu ib aakku matultte.