Prowerb 21:14 - Nobonob Baibel

¹⁴ Laa oo nauhak dootte dayeb, keeke nuhig daakkunu lokkumakppa nug mettak amu, amuam he, oo nauhak bodoedatte. Ao, laa oppoɗi bak dootte dayeb, keeke nuhig daakkunu lamen waappa ma, awa ukka, nug mettak amu, amuam he, oppoɗi bak okkai aakku oug mette.

Prowerb 21:14 Referans Kwoze

Prowerb 18:16

Am na danab okkai anidkkutnu gona, nug ena dookkunu na keeke nuhig daakkunu hamu mettaknu aon gokkut; keeke amuam heeb, na nug gumidna gokkut.

Prowerb 19:6

Danab kuɗum ag danab okkai nug ahilagnu ena dookkunu, ag kobol digdig hetteb. Ao, danab oh ag laa nug keeke kuɗum awa, laa ahilag daakkunu hamu madattenu, “Da am nug layag daattem,” atteb.

Prowerb 17:8

Danab laa nug lokkumakppa eheɗ haknu ehanittak laa mette, laa nug oɗe dim lamidtte; laa amu hette amu, nug attem attem hette, am enaib he bette ⌊bia dootte⌋.

Prowerb 17:23

Nau hak danab nug lokkumakppa eheɗ haknu ehanittak aotte; nug hettoɗiak haenppa nai doya mala hettoɗia epeɗia elele mettak elele ii bemanu anam hette.

1 Samuel 25:35

Dawit nug anam awowa, nug Abigel keeke awa uɗia mettom nug eppegppanu awawa, amegppa inam aum. “Nai nahip amu, da doomi, da geha na oot daatte amuib dim lamidkkul amunu, na oot maɗoɗ ele dayebeb, eɗun lautppa ukke!” awa aum.

Genesis 43:11

Anam awa a amu, ag mamelag Israel nug aum. “Ig ib laa iitta amunu, ag inam hekkulag. Ag wan imuppanu keeke ena ena laa, amuam marasin, uppuh leppu, spais digdig, mir, amu ad aɗit onilah pistasia, almon ele, amu meulti lanaknu ele laa aon, bek ahilkadppa inona gona, Isip danab amu, nuhig daakkunu hamu mettaglag.

Genesis 32:20

Amu ag nai imu, ‘Nahip maɗi nid Jakop, nug dim uɗitte,’ aon akkulagnu aibnab daulag atiom,” awa aum. Jakop nug anam aum. Aɗinu? Nug inam dabmeum. “Da nuhig daakkunu hamu mettaknu keeke imu mei, anuqa gotte amu, nug amu antta, nug oo eɗukku. Eɗueb amu, haen da awai, nug anidppi, nug dahilnu oo ena daakkutai,” awa aum.