Prowerb 21:13 - Nobonob Baibel

¹³ Daɗek danab ag laa ehanadkkunu oɗ medappeg, nug ahilag nai ii dookku dayeb amu; haen nug ehanittak aokkunu oɗmak heeb, auntai laa nuhig unuqittak ele ii dooma.

Prowerb 21:13 Referans Kwoze

Prowerb 28:27

Aun nug daɗek keeke madatte, nug bau dayaknu keekenu tutu ii mema; amge danab ag laa nug laa daɗek daaegeg, ii ehanadtte amu, nug eheɗ laa awaknu anak waappa daakku.

Matyu 6:14

Jesus Nug anam ana, Nug nai tuɗitta aum. “Doyeg! Ag danab ah laa dilag hipunin ahilagppa hetteb uhuqna madappeg amu, ag Mamelag, hab aabppa daatte, Nug hipunin ahilag ele uhuqa madakku.

Prowerb 1:28

Amu da Doyak Dabmak Ena ele anam hekkul, amu haen amuppa aun aɗi ag dahil nai ii doon dim lamidppig ele amu, ag dahilnu ekkulag, amge da nob laa ii madapa. Ag da mattiɗkkulag, amge ag da ii aniɗmana.

Matyu 7:2

Aɗinu? Ag laa dilagppa epeɗiak kobol attenppa epeɗiadppeg amu, ag epeɗiak kobol amuppa aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag.

Sam 58:4

Keeke ag hetteb, amuam mat naunu ouɗi, danab he mauhtteb, ag amubia hetteb. Ao, ag Kayak nai doomnanu, ag mat nau onig kobra nai laa ii dootte, ag amubia ag daulag itutteb.

Sam 18:41

Ag ehanattaknu eppig, amge auntai laa ag ehanatteb, padal makppa ii daamnanu laa ii dayom. Ao, ag Yawe ehanadkkunu unuqidppig, amge Nug ii ehanattom.

Aposel 7:57

Nug anam a, ag doona, ag huanaknab enana, daulag itun, ag oh ahan qaiqaɗ wana, Stiven aɗappig.

Nehemaia 5:13

Ag amu hena malaeg, da lamen elab dahil aɗe uɗale, da ami. “Da lamen aɗe uɗali, aɗi keeke lamenppa daatte gotte, amubia ag anuqak danab oh, ag nai Kayak onigppa ɠagattag qedappig, ag amu ii dim lamidkkulag dayeb, Kayak Nug ahilagppa da hettem bia ahilagppa heeb, ag keeke iitta ele daaglagnu ool daatte. Ge, danab aun nug nuhig nai amu ii dim lamidkku amu, nuhigppa anam baɗ!” awe ami. Da anam ai, danab oh daappig ele, amu oh ag, “Genab, anam dayaɗ!” anana, ag Yawe binag meppig. Anam amunu, anuqak danab, Juda dilag ehanittak anuqak danab ele, ag appig bia heppig.

Luk 13:25

Lag mameg nug aha, lag od maneb amu ag uɗina, dimittim daanna od qeqalnana, inam unuqkkulag. ‘Naɗi od matulna mekke!’ aon akkulag. Amu geha nug ag amelagppa akku. ‘Da ag ii doyadttem, ag adeppanu uɗippig?’

1 Jon 3:17

Amge danab laa nug wanppanu enub ele amu, nug layag keekenu daɗek daatte anitta, nug oo bodoetta le mak ii dootte ele dayeb amu, Kayaknu oo mauhak nug ooppa daattete? Iitta.

Job 29:12

Ag amu heppignu diig am, daɗek danab ag ehanittak awaknu gaaegeg, da ehanatti, ag padal ii meppig. Ao, laa mamelkad mauheg, akkaib daatteb, laa ehanadkkunu iitta amu, da ehanatti, ag padal ii meppig.