Prowerb 21:12 - Nobonob Baibel

¹² Kayak, Nug am genab tutukku haknu diig, Nug aɗi keeke nau hak danab laulagppa bette amu, Nug dootte; amu Nug nau hak danab he nauhtteb.

Prowerb 21:12 Referans Kwoze

Prowerb 14:11

Nau hak danab ah, ag baelkadppan ele ag geha nauhkkulag; amge genab tutukku hak danab ah, ag am geha buɗulkad kuɗum ele daaglag.

1 Korint 10:5

Amge Kayak Nug danab ah kuɗum ag ahilag eheɗ hak nau amu andatta, amuppa Nug ahilagnu oo ena ii dayom amunu Nug he, ag atu taɗakppa mauhppig.

Amos 4:11

Yawe Nug anam ana amu, Nug ele atte. “Da hei, ag oolagppan laa ag Sodom, Gomora danab padal meppig, amubia padal meppig. Ge, ag am aab bau maha laa, danab nug aab maha amu ewebeb, eɗua aotte, tuɗitta ii eotte, ag amubia daappig, amge ag eɗun, da dim lamiɗkkulagnu da gumiɗna ii uɗippig,” awa atte.

Prowerb 14:32

Haen uug naunab laa uɗitte amu, nau hak danab ag padal metteb; amge genab tutukku hak danab ag ahilag mauhak haenppa, Kayak Nug padal mak eɗitteb ena dayaknu aben bia ahilag daatte.

Sam 107:43

Amu danab doyak dabmak ena ele ag keeke amu oh Yawe hettenu dabmetteb. Ao, ag Yawenu oo mauhaknab kobolnu ele dabmettaglag!

Sam 52:5

Amge Kayak Nug heeb, na nauhna, iitta mekkut. Ao, Nug na ɠagattagnab aɗaitta, Nug na baenppan oolagppan awitta, buɗitteb, laih gokkut. Ge, Nug heeb na mauhkkut. Sila.

Job 8:15

Danab Kayaknu, nuhig haknu ele uuak kobol dim lamidtteb amu, ag laa nug hibaitta dayaya, na qemanu goɗimnu amapip ehanidkkunu eppegppa aɗatte, amge pakkue, na qette, ag amubia hetteb. Ge ag laa nug goɗimnu amapip ehanidkkunu eppegppa ɠagattag aɗa daatte, amge goɗimnu amapip ɠagattag ii daya pagutte, ag amubia hetteb.

Job 5:3

Da dakka, da deɗ laala anidmi. Danab nug Kayak dab-ii-maama ii dim lamidtte ele nug ɠagattag, ena ele daakkunu bette; amge laippun nug baegppan ele ag eheɗ laa awaknu anak waappa daan nauheg anidmi.

Hosea 14:9

Laa ag danab doyak dabmak ena ele, ag keeke imu ohnu diignu doyak tutukku aweg! Ao, laa ag oo maittak awaknu ehah aoppig daatteb ele, ag keeke imunu diignu doyak tutukku aweg! Aɗinu? Yawenu ib amu genab tutukku ele, amu genab tutukku hak danab ah ag amuppa daanna oitteb; amge nai tappe nak danab ah ag amuppa taataɗ qetteb.

Prowerb 13:6

Genab tutukku hak kobol, amuam danab ag Kayaknu neekkakppa danab ooppa kaliak laa iitta dilag guppiɗ daatte; amge nau hak kobol am hipunin danab heeg, ag padal metteb.

Genesis 19:29

Haen Kayak Nug aab okkai uɗem amuppa daappig ele he, padal meppig, haen amuppa Kayak Nug Abrahamnu dabmaama, Nug Lot omala, aab okkai nug daattomppa, aab amu dimittim ukke, padal ii meum.

Prowerb 29:16

Nau hak danab ag kuɗum bena, ena daan oinna, hipunin qeegeg, hipunin hak okkai mette; amge genab tutukku hak danab ag bau daanna, nau hak danab nena qeppeg anidkkulag.