Prowerb 21:11 - Nobonob Baibel

¹¹ Haen awa awa qettak danab nug bu aotte amu, danab nug doyak ii awak ele, ag doyak dabmak ena ele aotteb; haen danab doyak dabmak ena ele ippunittak aotte amu, nug amuppa doyak ena aotte.

Prowerb 21:11 Referans Kwoze

Prowerb 19:25

Na awa awa qettak danab bu eheɗ medakkut dayeb amu, laa doyak ii awak ele ag anidnana, ag eheɗ bemanu dabmak awa dabmak amu dim lamittaknu kobol doon aoglag; na danab diignu doyak tutukku ele daug batakkut dayeb amu, nug doyak ena, okkai ele aokku.

Prowerb 18:15

Danab nug oo maittak awaknu ehah awom daatte, nug doyak ena aotte. Ge, danab ag doyak dabmak ena ele, ag doyak ena aoglagnu neegtteb.

Prowerb 9:9

Na danab doyak dabmak ena ele nai enappa doyak medappe, nug anamib doyak dabmak ena tuɗid ele daakku. Ao, na genab tutukku hak danab laa doyak aokkunu ippunidppe, nug tuɗid ele doyak okkai ele daakku.

Aposel 5:5

Aria, haen Ananias nug Pita nai aum amu doya, nug na qa mauhe, danab oh ag amunu nai doona amu, ag huan baɗappig.

Prowerb 18:1

Danab nug laa oh ele nug mehqak hette, nug nukka nug oo hette amuib aokkun wagai mette; nug epeɗia ha dabmak ena awak oh dimedatta, tappe nette.

Revelesen 11:13

Anam amu, haen amuppanab mim okkai laa ne, aab okkai amuppa lag 10 oolagppa laippu nauhom, lag 10 laa oolagppa laippu nauhom, amu aab okkai ohppa anamib beum. Amu danab 7,000 mim amuppa mauhppig. Laa oh bau daappig ele ag baɗak eheɗ nau dooppig. Baɗak eheɗ nau doon, ag Kayak binag amahlak oppiaawak ele medappig.

Prowerb 15:14

Danab ag diignu doyak tutukku ele, ag doyak ena ele tuɗidna aon daaglagnu hetteb; amge danab nug Kayak dab-ii-maama ii dim lamidtte ele, nug tuɗitta, Kayak dab-ii-maama haknu kobol antta dabmekkunu oo daatte.

Prowerb 1:5

danab nug oiyak ehanittaknu nai tutu, aria keeke danab ag dootteb ii dootteb ele ouaqata ippuanattak nai ele dookkunu, diig amu ohnu amu, oiyak ehanittaknu nai tutu imu am amunu daatte. Aria, danab nug doyak dabmak ena ele, nug daug huma doya, nug nuhig doyak dabmak ena ele nai imuppanu tuɗitta awaɗ! Ge, danab nug oo maittak awaknu ehah ele amu, nug ele nai imuppa ulum awaɗ!

Duteronomi 21:21

Aa anam apeɗ, danab oh aab amuppanu, ag menppa makkuɗppeg mauhkkuoitte. Kobol nau ag oolagppa daamanu, ag heppeg, aib dayom! Israel danab ah oh ag amu doona, ag baɗaglag.

Duteronomi 13:11

Ag anam heppeg, Israel oh ag anam heppig doona, ag baɗan, auntai laa ag oolagppa kobol nau amu baula ii hema.

Namba 16:34

Haen ag wan ooppa nonana amu, ag gayak nau heegeg, Israel danab ah laa oh daappig amu, ag oolppig. Aɗinu? Ag oolna gonan, ag enan appig. “Wan obata, oɗe metteb, ig ele nomata!” aon eppig.

Prowerb 9:7

Am aun nug awa awa qettak danab laa tolidtte amu, awa awa qettak danab nug nug eɗua, awa awa naunab qedakku. Yo, aun nug nau hak danab laa daug batatte amu, nauhak danab amu nug nug eɗua guittak medakku.