Prowerb 21:1 - Nobonob Baibel

¹ King nug Yawe eppegppa daatte, amuam lenag bia. Ao, Nug le ippu adeppa gokkunu he, le gotte bia, Nug kingnu dabmak attem bekkunu he bette.

Prowerb 21:1 Referans Kwoze

Prowerb 16:9

Danab nug nuhig dabmakppa keeke hekkunu maittak aotte; amge Yawe Nug nug aɗi ib awa gokkunu dabmak awa he, ɠagattag ebatte.

Prowerb 20:24

Yawe Nug danab ɠagattag dilag oiyak atognotte; amunu laa nug nukka, nug attem ha, nuhig oiyak atognokku?

Esra 6:22

Yawe Nug gamag ahak naɗi mattom amunu, ag deɗ eblaih aɗit ele Bret Yis Iitta Lanaknu Hobul Nakok lanan, gamag ahak dooppig. Yawe Nug he, Asiria dilag king nug ahilagnu ena doya ehanatte, ag Kayak, Israel dilag Kayak, ag Nug laug buuglagnu elele daan heppig amunu, ag gamag ahak dooppig.

Aposel 7:10

Josep nug uug digdigppa dayeye, Kayak Nug amu ohppa ehanitte qagaiettakppa ii dayom. Amuam Kayak Nug doyak dabmak ena ele Josep mette, Paro, Isip dilag king, nug Josepnu oo daye, awa me Isip dilag gabman anuqak dayaya, king laugppanu keeke oh gumama, nug kingib waappa dayom.

Prowerb 16:1

Danab ah ag ahilag dabmakppa aɗi aɗi hekkulagnu maittak aotteb. Anam amge, Yawe Nug aɗi keeke bekku amu, Nug dabmaama he bette.

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Sam 106:46

Nug he, laa ag ag aɗualatteg, ag eppelagppa daappig amu, ag ahilagnu oolag gai-iitta doon, oolag mattan, ehanadppig.

Aisaia 43:19

Antteg! Da keeke bau hettem. Keeke amuam geha iikku bekkun daatte. Ag iite anidtteb? Da atu taɗakppa ib laa madakkul. Ao, da wan meu waknu nakokib elele, da appa le hadappi gokkulag.

Sam 105:25

Isipnu amu, Yawe Nug ag uuatte, ag Israel dilagnu nau ninig ele doon, kekeɗ madappig. Nug uuatte, ag nuhikkud maɗi nid eheɗ hattaglagnu maittak aoppig.

Nehemaia 2:4

Da anam ai, king nug da oɗ meɗom. “Anam, amge na aɗi hekkutnu dabmettem?” awa oɗ meɗom. Nug anam oɗ meɗe, da Kayak hab attan daatte ⌊oolppaib⌋ unuqitten,

Nehemaia 1:11

O Naɗi, da am nahip maɗi nid daattem, laa ele ag na oninnu ebehilag oh bodoetta le mekkunu enanagnab doon, ag nahipad maɗi nid daatteb, ag amu, da gemu, na ig oh, ihinig unuqittak imu dookkutnu oɗ medattem. Gemu da king noobppa daakkul amu, haen amuppa na heppe, king nug dahilnu ena dookkunu oɗ medattem.” Da anam unuqidmi, amu haen amuppa da kingnu wain mettak danab daami.

Sam 74:15

Naib hee, le qeppuɗia bakppanu, lenagppanu ele, le bena goppig. Ao, ⌊amge keeke laa ele⌋ naib na hee, le hanhan gonanaib daatteb, ii qaɗaiedatteb ele amu, na hee, aakku qaɗaiedappig.

Aisaia 44:27

Da le yuppa gotteb, yu ele qaɗaiettaglagnu ai ag qaɗaiedatteb.

Sam 93:4

Yu naɗippa, duban okkai, anam aakku uɗin heegeg, oqotti huana otte, amge O Yawe, na attan daattem amu, nahip ɠagattag am yunu ɠagattag amu eɗidtte. Yo, duban naɗi okkai, ag am ebehilag ele, amge Yawe, na attan daattem, nahip ɠagattag amu eɗidtte.

Revelesen 16:12

Ag oolag ii eɗue, engel ebqak 6 nug oppoɗi bak Kayak Nug danab dilag hipuninnu dootte amu, oppoɗi bak amu tappiɗ nuhigppanu gokkaɗe, Yupretis leppa no, le amu aam bedeppan king ag gona ban hekkulagnu ib bappaidkkunu qaɗaiettom.

Revelesen 16:4

Mauheg amu, engel ebqak 3 nug oppoɗi bak, Kayak Nug danab dilag hipuninnu dootte amu, oppoɗi bak amu tappiɗ nuhigppanu leppa, le qeppuɗia bak ele, amuppa gokkaɗe no, amu le tiig eɗuom.

Sam 114:5

Aɗi heum amunu Le Kokoɗ ag ippulagppan qe meum? Aɗi heum amunu Jodan le ukkak uua, ameg laippu dayom?

Sam 114:3

Le Kokoɗ nug uɗieg anatta, pahanab ib ha mattom! Jodan Lenu le ukkaknu ele uua, aben laippuppa qagmeum.

Jeremaia 39:12

“Ag Jeremaia mattin anidna, ag nug aon, nug atognoig! Ag nug guittak nakok laa aib medappig. Nug ag nuhignu aɗi hekkulagnu ag amelagppa ab, ag aum bia heig!” awa aum.

Eksodas 7:3

Nug anam akku, amge da heppi, Paronu dabmak aakku ɠagattag eppeb daakku. Anam dayebeb, da geha dahilnu dabmettaknu kobol danab haknu elele iitta kuɗum, uɗat ɠagattagnab kuɗum laa ele Isip wanppa hekkul.

2 King 19:33

Nug ib laa aɗa uɗiom amu, nug anamib eɗua gokku. Ge, nug aab okkai imu ooppa ii uɗima.

Esra 1:1

Anukka Persia dilag king Sairus nug Babilon dilag king daye, nuhig king dayaknu maɗ tatamnu Yawe Nug nai Jeremaia oɗeppa mattiom ele meu okkunu, Nug Sairus nuhig dabmak maɗette, nug wan oh nug gumaama, nai laa pepappa ya me, ag oh, ahilagppa ukkom.

Esra 1:2

Amu Sairus, Persia dilag king, nuhig nai am iikku. “Yawe, Nug Kayak hab attan daatte amu, nug wanppan wan atu oh da meɗom. Nug da meɗa, da nug laug laa Juda wanppa Jerusalem appa bapaidkkulnu da otiɗa, amu hekkulnu da amelppa aum.

Nehemaia 2:8

Laa ele amu, danab onig Asap, nug appa adnu dad nahip gumam daatte, amu na pas laa nuhignu ele yaan meɗappe, da awe ukken ippunidppi, nug da aben aɗ ɠagattagnab ele Kayaknu mettid lagnu guguittak daatte, nug aɗ amunu od hekkulnu, da aab okkainu aɗnu od ele hekkulnu, amu da laul ele buukkulnu nug dad amuppanu ad okkai meɗakkunu oɗ medattem.” Da king anam oɗ mettami. Da anam oɗ mettai, Kayak, Nug enanag atognoiɗtte amu, Nug ehaniɗom amunu, king nug keeke oh da nug amunu oɗ mettami amu, nug keeke amu oh da meɗom.

Esta 2:17

King nug Esta antta, nug nuhignu, ah bau laa oh eɗattak, nug nuhignu oo mauhom. Nug nuhignu enanagnab doya, Wasti abenab awa, kuin daakkunu king nug kuin haɗ igippa aɗuitte no he, nug kuin beum.