Prowerb 20:7 - Nobonob Baibel

⁷ Genab tutukku hak danab nug oiyaya, nug Kayaknu neekkakppa danab ooppa kaliak laa iitta ele daatte; nug ena anam heehe, nug bekkod aɗekkud ele nug dim lamidtteb amu, ag itittak ena aotteb.

Prowerb 20:7 Referans Kwoze

Sam 112:2

Danab amu bekkod ag geha onilag okkai ele ihinig wanppa daaglag. Yo, Yawe Nug geha danab amu, nug genab tutukku hak danab amu, Nug nug buɗub itadkku.

Sam 37:26

Genab tutukku hak danab, ag haen oh keeke mettaknu oolag qak iitta henana, ag ele lon ena, eɗua mettaknu uug iitta laa dilagppa hetteb; Ag ahilkad nid ele, ag itittak ena laa madatteb.

Jeremaia 32:39

Ag, amu ag buɗub dimppa dokkulag ele, ag dahilnu ebehilag oh bodoetta le mekku dayeb amu, ag ena, elele daaglag. Anam amu, ag dahilnu ebehilag oh bodoetta le mekkunu da heppi, ag oolag unuqagppa, ahilag dabmakppa ele ag da noolppaib dup nona, da binal mekkulagnu, ag da oɗelib dim lamidkkulagnu dabmak anam daakku.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

Aposel 2:39

Am Kayak Nug anukka nuhig Ouɗi ag, ag bekkalkad, amu wan laa adeppan danab ah, ag ele madakkunu nai qakka aum. Yo, Naɗi, ihinig Kayak, Nug aun aɗi ag onilagppa ette amu, Nug nuhig Ouɗi ag madakkunu nai qakka aum,” awa aum.

Prowerb 19:1

Danab nug Kayaknu neekkakppa danab ooppa kaliak laa iitta ele daatte, me nug daɗek daatte dayeb, nug Kayaknu neekkakppa am danab ena amunu, nuhignu am nau iitta; amge danab nug Kayak dab-ii-maama ii dim lamidtte, nug nai eheɗ, tutukku iitta maditte dayeb, nug Kayaknu neekkakppa nau hette amunu, nuhignu am nau.

Prowerb 13:22

Danab ena, nuhig aug amu, nug mauhakppa ukkeb, aug amu paha ii iitta mema. Dayeb ukkeb, alakkud aoglag; amge hipunin danab aulag ag qagmetteb ele, genab tutukku hak danab ag aoglag.

Prowerb 14:2

Aun nug genab tutukku hak kobol dim lamidtte, nug Yawenu ebehi oh bodoetta le mette; amge laa nug oiyak kaliak dim lamidtte amu, nug Yawenu ena iinab dootte.

Sam 15:2

Amuam laa ag Kayaknu neekkakppa ag oolagppa kaliak laa iitta ele daan oitteb, ag kobol genab tutukku ele hetteb, ag nai genabib, oolag aɗit ele iittappa maditteb,

Genesis 17:7

Da na, na buɗunad ele dilag Kayak daakkulnu, da heppi, nug tituana nai qakkak nai dahil, nai amu nahip-ppa, na buɗunad gemunu, dimppanu ele dilag haen oh daakku.

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

Sam 26:1

O Yawe, da nahipnu oolppa genabnab doye, nahip neekkakppa da oolppa kaliak laa ii dayeye oimi amunu, na heppe, tutukku hak dahil am miag atiak daakkunu oɗ medattem.

Aisaia 33:15

Hipunin hak danab ag anam baɗan, uug doon oitteb, amge danab laa nug aben enanag, uug iittappa daakku, danab nug ɠagattag, enaib daakkunu padal mak eɗitteb ena dayaknu aben nuhigppa daakku amu, nug nuhig kobol am inam. Nug danab genab tutukku hak kobol dim lamitta oiyaya, nug nai tutukku, hambuppuak iitta maditte. Nug keeke lokkumakppa awaknu duttuna hak kobolppa men doɗo keeke ii aotte. Nug hettodiakppa lokkumakppa eheɗ haknu ehanittak aokkunu nai hambuppuak madikkunu, “Yo,” ii atte. Danab laa ag lailag laa qeppeg mauhkunu maditteb amu, nug nai amu doya, nug ehanittak madakkunu ii dabmette. Nug nau hekkunu dabmak nakok laa ii aotte. Danab nug anam hette ele, nug hanhan ee ele daakku. Nug le oug nuhig am iitta ii mema. Iitta.

Sam 26:11

Amge da amu, da oolppa nahip neekkakppa kobol kaliak laa iitta ele dayeye oittem amunu, na dahilnu oot gai-iitta doon oot meɗan ehaniɗna, da qagaiettakppanu eɗua uhuqak hekkutnu oɗ medattem.

Job 1:1

Anukkanab danab laa onig Job nug Us wanppa dayom. Danab amu nug Kayaknu neekkakppa ooppa kaliak laa iitta ele. Nug genab tutukku hak danab. Nug Kayaknu ebehi oh bodoetta le me, nug eheɗ laa hekkunu uua autanab awom.

Prowerb 14:26

Danab nug Yawenu ebehi oh bodoetta le mette amu, kobol amuam danab amunu aab aɗ ɠagattagnab, loppaɗaknu iitta ele bia daatte; danab amunu kobol amu, kobol amuam nug bekkod dilag padal mak eɗitteb ena dayaknu aben bia daatte.