Prowerb 20:6 - Nobonob Baibel

⁶ Danab kuɗumnab ag lailkad dilagnu, “Da ahilagnu oo mauhaknab doottem,” aon atteb; amge auntai laa nug oo metta ii uuak kobol genab dim lamidtte?

Prowerb 20:6 Referans Kwoze

Sam 12:1

O Yawe, genab tutukku hak danab ah ag iitta meppig bia amunu, na ig ehanigkkutnu oɗ medattem! Ao, laa nug neekka, wanppa danab, o ah laa nug oo metta ii uuak kobol dim lamidtte ii anidma amunu, na ig ehanigkkutnu unuqidttem!

Matyu 6:2

Anam amunu, haen na daɗek danab ehanadttem amu, na hambuppuak danab ag nai doyak lakka, o iitta ib manppa ele danab ah ag binalag mekkulagnu hetteb, amubia ag muttub ele daɗek danab aib ehanadppig. Ag lokkumakppa heig! Da genab ag amelagppa attem. Hambuppuak danab, ag anam hetteb amu, ag ahilag hak amunu nob ena oh aakku aon malappig.

Luk 18:8

Da ag amelagppa attem. Nug am paha ag ehanadkku. Amge Danab Bekkalag da, da eɗue uɗien, haen amuppa geha da wan danab ah ag ooppa genab doyak ele anadkkulte, o iittate?” awa aum.

Luk 22:33

Nug anam a, Pita nug Jesus amegppa, “Naɗi da na ele maniguittakppa goɗa, oh mauhkkunihnu uug ii doottem. Hekkulnuib doottem,” awa aum.

Luk 18:11

Amu ɗo gumak danab-Parasia nug hibaitta, attan neekka dayaya, nukka nuhignu unuqitta aum. ‘Kayak, da am danab laala oh bia iitta. Ag am yab danab, eheɗ hak danab, am ewau pakkua gappai hak danab ele. Da am anam iitta, takis awak danab imu hette bia ele iitta amunu, da na amenppa, “Ena heme,” attem.

Prowerb 27:2

Na aib na nakka binan humame; uuppe, laa nug na humittaɗ! Na uuppe, laa nug na humittaɗ; nakka nakka iitta!

Prowerb 25:14

Danab ag laa keeke mattaknu atteb, amge ag ii madatteb; ag am lombig aam haenppa gu wan le ii medatte, amubia hetteb.

Jeremaia 5:1

Amu Yawe Nug aum. “Ag Jerusalem ooppa ib ohppa oinna, aab amunu qagmak abenppa ele oinna, tutukku neekkeg! Ag anam hena, ag ⌊danab ah aab okkai amuppa wan imunu hakib henan daatteb, ag oolagppanu⌋ danab, o ah laippu laa nug genabib hak kobol hette, nug doyak diig genabib anidkkunu mattiak hette ele, na amu laippu laa anidkkut dayeb amu, da aab okkai amu heppi ii nauhma.

2 Korint 12:11

Da nai madittem imuam danab nug Kayak dab-ii-maama ii dim lamidttenu nai bia, amge ag akka da nai imu inam madikkulnu duttuniɗeg, da madittem. Aɗinu? Ag dahilnu, “Nug ena hette,” pasppa yaaglagnu am aib iitta, amu kobol elele, ag helob am ena, amge ag anam ii heppig. Genab, da amu keeke hamu, amge da gaɗalagib totol danab ahilkad amu ag waalagppa ii daattem.

Jon 1:47

Pilip nug anam a, Nataniel nug Jesus anidkkunu uɗieye, Jesus Nug antta, Nug aum. “Antteg! Umu am Israel ted genab. Nug ooppa am hambuppuak laa iitta,” awa aum.

Luk 18:28

A amu Pita nug aum. “Antte, ig ihinig keeke oh uuta, na dim lamidttem,” awa aum.

Maika 7:2

⌊Da amubia doottemnu diig am,⌋ laa ag heeg, genab tutukku hak danab ag wan imuppa laa iinab daatte. Ge, genab tutukku hak danab laippu laa wan imuppa ii daatte. Danab oh ag lailkad aqappeg mauhkkulagnu ib mattin oitteb. Ao, ag danab nug ai uhuippa awa aqakkunu hette, ag amubia ag lailkad duulag okkulagnu hetteb.

Eklisiastis 7:28

Amu da keeke anidkkulnu mattien heinne amu, keeke oh doyen ii malen, da imu antten doomi. Da danab oh oolagppa genab tutukku hak danab laib laibib daaegeg anadmi. Danab ag laib laibib, amge ah ag ebqak amunu honap, laib laibib qainqain bia, aakkuib daatteb.

Prowerb 20:5

Maittak danab oolag unuqagnab daatte, amuam keeke le unuqagnab daatte bia; amge danab nug diignu doyak tutukku ele, nug he, maittak amu miag atitte.

Sam 12:2

Am danab ah oh ag lailkad mudippan ele ag nug bubuittak hetteb. Ao, ag nug amegppa mattiak hetteb, amge ag oo eeɗaknu ittag nai maditteb.

Maika 7:1

Da oolppa uug naunab, guittak bia, doottem! Aɗinu? Da am danab aam haenppan ad fig meu aotte bia daattem. Da ad fig meu tatam oɗutte laa awatte lalomnu ool okkai daatte, amge gemu meu amu laa ii daatte amunu, da ii lattem. Ao, da am uɗat nid grep meu laippu laippu uuppig daaegeg aotte bia daattem. Da grep meu aɗa auta awak laa awe lalomnu ool daatte, amge meu amu laa ii daatte amunu, da ii lattem.