Prowerb 20:28 - Nobonob Baibel

²⁸ King nug oo mauhaknab kobol, oo metta ii uuak kobol ele dim lamidtte dayeb, kobol aɗit amu heeh, nug abenabppa enaib daatte; oo mauhaknab kobolppa nuhig king dayak ii uɗaltte.

Prowerb 20:28 Referans Kwoze

Prowerb 29:14

King laa nug hettoɗiakppa daɗek dilagnu, doyak diig genabib dim lamidtte dayeb; nuhig king dayak am haen oh ɠagattag daakku.

Prowerb 16:12

Danab king ag gumadtteb ele, ag genab tutukku hak danab daatteb dayeb, amuppa nuhig wan aakku ɠagattag daatte; diig amunu amu, king nug eheɗ hak kobolnu ooppa uuaknab dootte.

Prowerb 16:6

Danab nug hipuninnu oo mauhaknab kobolppa, oo metta ii uuak kobolppa ele eheɗ haknu nob nau iitta mekkunu he elele medatte. Amu danab nug Yawenu ebehi oh bodoetta le mette doya amu, nug eheɗ ii hema.

Sam 101:1

Da nahip oo mauhaknab kobolnu, nahip nai doya mala hettoɗia epeɗia elele mettak kobolnu ele ahi edakkul. O Yawe, da ahippa na binan mekkul.

Sam 26:1

O Yawe, da nahipnu oolppa genabnab doye, nahip neekkakppa da oolppa kaliak laa ii dayeye oimi amunu, na heppe, tutukku hak dahil am miag atiak daakkunu oɗ medattem.

Sam 21:7

King nug Yawenu ooppa genab dootte amunu, Kayak Attannab Laa Oh Eɗattak Nug oo mauhaknab kobol doya dim lamitta heeb, nug ii na qema.

Aisaia 16:5

Danab amu nug geha iitta meeb, dimppa Kayak heeb, danab laa nug danab ah laa dilagnu oo mauhaknab kobol tutukku dim lamittatta, nug oo metta ii uuak kobol ele dim lamitta haaha, nug king daakku. Nug am Dawit buɗub laa. Nug hettoɗiakppa nai doya mala hettoɗia epeɗia elele mettak kobol dim lamittatta, nuhig oiyakppa ele hanhan kobol genab tutukku ele, amuppaib oikku.

Sam 61:7

O Kayak, na heppe, nug king hanhan dayebeb, atognobeppe daakkunu oɗ medattem. Ao, na nug nahip oo mauhaknab kobol, nahip oo metta ii uuak kobol eleppa ehanidkkutnu unuqidttem.

Sam 40:11

O Yawe, na dahilnu oot gai-iitta doon oot meɗan ehaniɗttem amu, na heppe, kobol amu iitta memanu da na oɗ medattem. Da nahip oo mauhaknab, nahip doyak diig genabib ele dahilppa daayya, hanhan ehaniɗpeɗ, da ena daakkulnu unuqidttem.

Prowerb 3:3

Na oo mauhaknab kobol, oo metta ii uuak kobol ele aib uuatme. Ao, na danab nug keeke qettoɗmanu nug baagppa qakke daatte, amubia na kobol amu hanhan dim lamidkkutnu anam bia he! Ge, na danab laa nug keeke laa daug atimanu uɗugppa yaatte, amubia na kobol amu daut atimanu aon ootppa me!

Daniel 4:24

O king, tul niime amu, nuhig meu am iikku, amu Kayak Attannab Laa Oh Eɗattak, Nug uug laa dahil naɗi, nuhigppa bekkunu ɗo meum amu, am iikku.