Prowerb 20:22 - Nobonob Baibel

²² Laa nug na eheɗ heidkku dayeb amu, na nug amegppa, “Da nob medakkul!” aib ame; na Yawe Nug na ehanitteb, na uug amuppa ii daamnanu ameg me!

Prowerb 20:22 Referans Kwoze

1 Tesalonaika 5:15

Danab ag ahilagppa kobol nau laa heppeg, ag amunu eɗun nob nau aibnab meppig. Ag haen oh kobol ena, lailkad amu danab laa ele ahilagppa hekkulagnu ɠagattag dayeg!

Prowerb 24:29

Na laanu, “Nug dahilppa heum bia da nuhigppa hekkul,” aib ame. Ao, na, “Nug dahilppa aɗi heum amu, da nob mekkul,” na anam aib ame.

Prowerb 17:13

Danab laa nug layagnu ena hekku, layag nug eɗua, ena hak amunu kobol eheɗ laa hekku dayeb; laa eheɗ heum amu, nug, nug baekkudppa ele, ag hanhan eheɗ aqadkku.

1 Pita 3:9

Amu na layap nug nahip-ppa laa eheɗ heeb amu, na aib nob mena nuhigppa eheɗ heme. O iitta nug nai eheɗ laa nahipnu ab amu, na aib nob mena nai eheɗ nuhignu ame. Iitta. Na Kayak Nug itittak ena medakkunu unuqitte! Aɗinu? Ag itittak ena aoglagnu Kayak Nug ag anam hekkulagnu onilagppa eum.

Duteronomi 32:35

Eheɗ haknu nob tutukku eɗua mettak uɗat am dahil. Ao, da geha aun aɗi ag eheɗ hetteb amu, da nob nau madakkul. Ag hanebppa nena qekkulag. Ahilag haen nau geha paha uɗikku. Ag geha hetteb amu, hak amunu ag bu paha aoglag,” awa atte.

1 Pita 2:23

Danab ag nuhignu nai eheɗ appig, amge Nug nai eheɗ ahilagnu nob ii meum. Nug guittak awom, amge nuhig guittak amunu Nug ag nob nau aoglagnu ii aum. Jesus Nug amu ii heum, me Nug Kayak, epeɗiakppa keeke oh eleleppaib epeɗidtte amu, Nug nukka Nug beɗu oh Nug eppegppa meum.

Matyu 5:39

Amge da ag amelagppa attem. Eheɗ hak danab aun nug ahilagppa eheɗ anam bia heeb, ag nuhigppa nob aib meppig. Am inam bia. Danab nug na hippen laih mataɗeb, na nob nau aib eɗun mettame. Iitta. Na hippen laih ele eɗun mette!

1 Pita 4:19

Amunu danab ag Kayaknu dabmaknabppa guittak aotteb, ag akka ag beɗulag oh Kayak, ig heikkom, oo metta ii uuak kobol dim lamidtte ele amu, ag Nug eppegppa mena, tuɗidna kobol ena heig!

Sam 27:14

⌊O danab ah,⌋ ag Yawe Nug ehanadkkunu ameg meig! Ao, ag oolag ɠagattag qena daanna, ag dabmak nau aib aoppig. Ge, ag Yawe ameg meig!

2 Samuel 16:12

Nug anam heebeb, Yawe Nug uug nau dahilppa gemu beum antta, Nug nai nau danab imu dahilnu maditte ele dabmaama, eɗua ehaniɗa heeb, da ena daakkultai,” awa aum.

Aisaia 40:31

Anam amge, laa ag Yawenu dabmena, nuhigppa ehanittak aoglagnu dabmena oitteb ele, ag ɠagattag baula aoglag. Ag ai igel hab waappa uug iitta ele hagagaɗa gotte, ag amubia hekkulag. Ag qaiettan oiglag, amge ag beɗulag bahi ii yaama. Ag baelagppa oiglag, amge ag beɗulag bodo-ii-ettama.

Sam 37:34

Ag genab tutukku hak danab ah ag Yawe aɗi heeb anidkkulagnu ameg meig! Ag hanhan Nug aɗi atte amu heig! Ag anam hekkulag dayeb amu, Nug ag ehanatteb, ag geha ag aulag wan imu aɗan daaglag. Ge, Nug nau hak danab hatteb nauhppeg anadkkulag.

Prowerb 20:21

Laa nug nid bau dayaya, kalu mettak iitta haenppa mameg eppegppa aug aokku dayeb amu; gog takppa aug amu nug ii ehanidma.

Lewitikas 19:18

Na aib laa nahipnu eheɗ heum amu, nug nob nau medakkutnu heme. O iitta, na nob nau laa mettaknu dabmak ootppa aɗa oiyak aib heme, amge na nakka nahipnu oot mauhtte, amubia na laipad dilagnu ele oot mauhaɗ! Da am Yawe.

1 Samuel 25:13

Ag Dawit amegppa amu mattieg doya, nug nuhikkud danab amelagppa aum. “⌊Ban hekkunignu babaittak dayaknu amu,⌋ ag qep elab ahilkad diin, imualagppa takkeg!” awa aum! Nug amelagppa anam a, ag oh ahilkad qep elab akkan, imualagppa takkeg, Dawit nug ele qep elab nuhig awa takkom. Nug takke, nuhikkud danab 400 keeke anam ag ahaeg, nug ele goppig. Danab 200 amu ag keeke guman daappig.

Sam 37:40

Yawe Nug genab tutukku hak danab dilag padal mak eɗitteb ena dayaknu ehanittak daatte; ag ena daaglagnu ag Nug gumidna uɗitteb amunu, Nug ag ehanatte, nau hak danab ag ii eɗadtteb. Ao, Nug ag atognoatte, ag hipunin danab eppelagppa ii daatteb.

Prowerb 19:11

Danab nug doyak dabmak ena ele daatte amu, doyak dabmak ena amuppa nug oo maɗoɗ ele dayak danab daatte; haen danab laa nuhigppa eheɗ he, nug eheɗ hak amu uhuqa medatte, kobol amunu danab ah ag nug binag metteb.