Prowerb 20:16 - Nobonob Baibel

¹⁶ Danab laa na nug ii doottem ele, nug nahip-ppanu lon aokkunu heebeb, danab laa na doottem, nug lon amunu keeke lonnu onig awak daatte mekkunu ab amu, nug danab na ii doottemnu hette amunu, na nuhig en laa aon aɗappe, lon mameg lon eɗua daden meeb, eɗun mette! Ao, laa nug ib baag ahnu amu hekkunu heebeb, na nuhig keeke lonnu onig awak daakkunu awe!

Prowerb 20:16 Referans Kwoze

Prowerb 27:13

Danab laa na nug ii doottem ele, nug nahipnu lon aokkunu heebeb, danab laa na doottem, nug lon amunu keeke lonnu onig awak daatte mekkunu ab amu, nug danab na ii doottemnu hette amunu, na nuhig en laa aon aɗappe, lon mameg lon eɗua daden meeb, eɗun mette! Ao, laa nug ib baag ahnu amu hekkunu heebeb, na nuhig keeke lonnu onig awak daakkunu awe!

Prowerb 11:15

Aun laa nug laa ehanitta, keeke lonnu onig awak daatte, nug amu mette amu, nug am genab guittak aokku; amge aun laa nug amu genab hekkunu ii maditte amu, nug eheɗ ii aoma.

Prowerb 23:27

Aɗinu? Ib baag ah am moɗ laa umanab noa ukkak bia daatte. Ao, ah ewau pakkua gappai hette, nug am le moɗ laa hogogdoak, amubia.

Prowerb 7:10

Nug anam noono, ah nug anidkkunu doum. Nug ib baag ah dilag lamen takka, nid amu nuhig naippa eeɗeb, nug eheɗ heeb, nug ele niiglahnu matu lokkumakppa dab-nab-meum.

Prowerb 7:5

Doyak dabmak ena ele, amu diignu doyak tutukku ele aa hepeɗ, na ah ewau pakkua gappai hette ele ii oimya; na ah nug gamu uuitta, eheɗ oiyaya, nug na ele niiglahnu nai ittag ele maditte amu, na nug ele ii oimya.

Prowerb 5:3

Aɗinu? Am ah ewau pakkua gappai hette amu, nug nuhig nai mattiak am ee ubuhinab ele, lanaknu enanag bia daatte; amuppa nug danab hambuppuidtte. Ao, ah amunu nai am goɗen enanag, amubia daatte; amuppa nug danab eeɗtte.

Prowerb 2:16

Doyak dabmak ena ele am ehanitteb, na ah ewau pakkua gappai hette amu, na nug ele kobol nau amu ii hemaya. Ao, doyak dabmak ena ele am ehanitteb, na danab laa wau nug hambuppua, na ele niiglahnu nai ittag, ubuhi ele amenppa madikku amu, na nuhig nai dim lamidna, kobol eheɗ amu ii hemana.

Prowerb 6:1

O da bekkal, na nahip mudippan laa nug lon awewe, na nug lon aokkunu nahip keeke lonnu onig awak daakkunu nahip nai ɠagattag qettan mattime dayeb, ge, danab laa nug lon awewe, dimppa nug eɗua lon mameg men doɗo amu medakkunu elele iitta daakku dayeb, na medakkutnu genab hekkutnu mattime dayeb,

Prowerb 20:15

Gol daatte, amu men laa onig rubi, daden nob okkainab ele, ag ele huanak daatteb; amge nai mattiak doyak ena ele, amuam nakoknab aakkuib daatte.

Prowerb 20:17

Danab nug hambuppuak kobolppa en awa, ee ena lanana, enanag dookkutai; amge gog takppa amu, danab nug ihi latte, amubia nug eheɗ nau awa dookku.