Prowerb 20:15 - Nobonob Baibel

¹⁵ Gol daatte, amu men laa onig rubi, daden nob okkainab ele, ag ele huanak daatteb; amge nai mattiak doyak ena ele, amuam nakoknab aakkuib daatte.

Prowerb 20:15 Referans Kwoze

Prowerb 25:12

Danab laa nug doyak dabmak ena ele, nug danab laa, nug dookkunu oo hette ele, nug nug daug batakku dayeb; amuam enanag, daulag bid golppa hak, o bala laa gol enanagppa hak bia.

Prowerb 16:24

Nai ena am ubuhi ele, uppuh leppu bia; am danab ouɗi, beɗu ele ehanidtte.

Prowerb 16:16

Danab nug doyak dabmak ena ele aokku, amuam ena, am gol awak eɗidtte. Ao, danab nug diignu doyak tutukku, nug amu aokkun dabmekku, amuam ena, am silwa awak eɗidtte.

Prowerb 15:7

Danab doyak dabmak ena ele ag laa doyak ena ele madatteb; amge danab ag Kayak dab-ii-menan ii dim lamidtteb ele, ag anam ii hetteb.

Epesus 4:29

Nai uɗig wak laa ag oɗelagppa aib beum. Iitta. Nai ena danab ɠagattag madatte, danab ehanadtte, nai amuib ag oɗelagppa baɗ! Amuppa danab ag ahilag nai dootteb ele amu, ehanittak mattaglagnu elele.

Prowerb 16:21

Danab ag laa, nug doyak dabmak ena ele, ag nuhignu, “Nug am oo maittak awaknu ehah awom daatte,” aon atteb; amu laa nug nai maɗoɗ ele maditte, danab ah ag nuhig naippa ippunittak aoglagnu elele.

Prowerb 3:15

Men onig rubi, nug awaknu am men doɗo okkainab ele, na amu aokkut am ena, amge na doyak dabmak ena ele aokkut am enanag. Na doyak dabmak ena ele aokkut, amuam na keeke anuqaknab aakku aokkut. Aɗitai laa na oot hekku ele amu, amuam doyak dabmak ena ele eɗittak ii daatte.

Prowerb 15:23

Danab nug laanu nai nob elele mette, nug oo gamag ahak dootte. Ao, nai elelenab haenppa mattiak am he, danab nai maditte ele nug oo gamag ahak okkai dootte.

Prowerb 20:14

Laa keeke daden mette ele amu, nug keeke laa aokkunu haaha, nug amunu keeke mameg amegppa, “Imuam nau, ena iitta,” a, keeke mameg nug nob honap me aotte; amge laa daden mette ele nug anam ha, daden mewowa aha ugakka, nukka onig humaama, laa amelagppa, “Da keeke ena imu men doɗo honap-ppa daden memi,” awa atte.

Prowerb 20:16

Danab laa na nug ii doottem ele, nug nahip-ppanu lon aokkunu heebeb, danab laa na doottem, nug lon amunu keeke lonnu onig awak daatte mekkunu ab amu, nug danab na ii doottemnu hette amunu, na nuhig en laa aon aɗappe, lon mameg lon eɗua daden meeb, eɗun mette! Ao, laa nug ib baag ahnu amu hekkunu heebeb, na nuhig keeke lonnu onig awak daakkunu awe!

Prowerb 8:10

Doyak dabmak ena ele am men laa onig rubi, daden nob okkainab ele, am amu eɗidtte. Aɗi keeke laa na aokkutnu oot huan daatte ele amu, keeke amu doyak dabmak ena ele ii eɗidtte amunu, na dahil ippunittak nai aokkutnu anuqak doon, silwa aokkutnu am anuqak aib doome. Ao, na doyak ena aokkutnu anuqak doon, na gol enanag aokkutnu anuqak aib doome.