Prowerb 20:14 - Nobonob Baibel

¹⁴ Laa keeke daden mette ele amu, nug keeke laa aokkunu haaha, nug amunu keeke mameg amegppa, “Imuam nau, ena iitta,” a, keeke mameg nug nob honap me aotte; amge laa daden mette ele nug anam ha, daden mewowa aha ugakka, nukka onig humaama, laa amelagppa, “Da keeke ena imu men doɗo honap-ppa daden memi,” awa atte.

Prowerb 20:14 Referans Kwoze

1 Tesalonaika 4:6

ag Kristen ag gappai kobol, mauhnoak oiyak, oo ahak kobol, keeke amu oh hena, lailkad buppualadnana, laanu ah ele ii aomnanu Nug oo daatte. Ig anukka kobol nau amunu nau aomnanu nai mattat, amelagppa mattimut, amu amubia Naɗi Nug danab anam hetteb ele amu nob nau madakku.

Eklisiastis 1:10

Amu danab nug keeke laanu, “Antte! Laa nug keeke imu deɗ laa ii anttom; am keeke bau!” akkunu elelete? Iitta! Keeke nug anttom amu, keeke amu anukka dayom. Ao, keeke amuam anukka ippa dayom.

Prowerb 20:13

Na daɗek daamnanu, na niiaknu aib oot mauhom; amge na amen obatak ele daan, uɗat hekkut dayeb amu, na ee lanaknu kuɗum ele daakkut.

Prowerb 20:15

Gol daatte, amu men laa onig rubi, daden nob okkainab ele, ag ele huanak daatteb; amge nai mattiak doyak ena ele, amuam nakoknab aakkuib daatte.

Esekiel 7:12

Ag Israel, ag bu aoglagnu haen aakku gogppa teum. Deɗ amu aakku uɗiom daatte. Laa nug keeke daden mette ele, nug aib gamag ahak doyom. Laa nug keeke me, laa daden mette ele amu, nug mahiak aib doyom. Aɗinu? Danab ah imu ag ohnab bu aoglagnu haen aakku oqiom daatte.